Electricity Problem in Redwani Kokernag: بجلی کی آنکھ مچولی کے سبب مقامی آبادی کو مشکلات کا سامنا

مقامی لوگوں نے انتظامیہ سے درخواست کی کہ مذکورہ علاقے میں بجلی نظام کو فعال بنانے کے لیے ٹھوس اقدامات اٹھائے Demand Of Upgrading Electricity جائیں، تاکہ لوگوں کی مشکلات کا ازالہ ہوسکے۔

اننت ناگ: جنوبی ضلع اننت ناگ کے کوکرناگ کے ریڈونی کے لوگوں نے شکایت کی ہے کہ علاقے میں بجلی کا درست نظام نہ ہونے کے باعث مقامی لوگوں کو شدید مشکلات کا سامنا کرنا پڑ رہا ہے۔

ان کا کہنا ہے کہ 'محکمہ بجلی نے مذکورہ علاقے کو ایک دہائی قبل 25KV ٹرانسفارمر دیا تھا، جب کہ یہ علاقہ سوا سو سے زائد کنبوں پر مشتمل ہے۔ Demand Of Upgrading Electricity

مقامی لوگوں کا کہنا ہے کہ گھنی آبادی ہونے کے باعث مذکورہ علاقے میں وولٹیج ڈراپ ہوجاتا ہے، جس کی وجہ سے پورا علاقہ گھپ اندھیرے میں ڈوب جاتا ہے۔

انہوں نے کہا کہ 'ہمارے بچوں کا مستقبل داؤ پر لگا ہوا ہے، کیونکہ وہ دن ڈھلنے کے بعد پڑھائی کرنے سے قاصر رہتے ہیں، جبکہ علاقے میں کئی کنبے ایسے ہیں جن کے یہاں ابھی تک بجلی کا نام ہی نہیں ہے۔

انہوں نے کہا کہ اگرچہ ہم محکمہ کو وقت پر فیس ادا کرتے ہیں تاہم کثیر آبادی کے باعث علاقے میں موجود 25KV ٹرانسفارمر پر اوور لوڈ آنے کی وجہ سے اکثر اوقات میں علاقے سے بجلی غائب رہتی ہے۔

مقامی لوگوں نے انتظامیہ سے درخواست کی ہے کہ مذکورہ علاقے میں بجلی نظام کو فعال بنانے کے لیے ٹھوس اقدامات اٹھائیں جائیں، تاکہ لوگوں کی مشکلات کا ازالہ ہوسکے۔

ای ٹی وی بھارت نے بذریعہ فون جب یہ معاملہ محکمہ بجلی کے اسسٹنٹ ایگزیکٹو انجینئر فیاض احمد کی نوٹس میں لایا تو انہوں نے کہا کہ 'مذکورہ علاقے میں بجلی کے نظام کو درست کرنے کے لیے محکمہ کی جانب سے مسلسل وائر اسکیم کا اہتمام عمل میں لایا جا رہا ہے، جس کے تحت مذکورہ علاقے میں بجلی ٹرانسفارمر کو اپگریڈ کر کے 63KV ٹرانسفارمر واگزار کیا جائے گا، تاکہ لوگوں کی مشکلات کا ازالہ ہوسکے'۔