اے آئی یو ڈی ایف کے رکن اسمبلی کی اجمیر درگاہ پر حاضری

اجمیر: 'آل انڈیایونائیٹیڈ ڈیموکریٹک فرنٹ (AIUDF) آئندہ ضمنی انتخاب میں کامیابی حاصل کرے گی اور بی جے پی حکومت کی مذہب کے نام پر لوگوں کو بانٹنے کی سیاست کو کامیاب نہیں ہونے دے گی۔ AIUDF ہمیشہ تمام مذاہب کے حق کی آواز بلند کرتی آئی ہے۔' یہ باتیں یک روزہ سفر کے دوران راجستھان کے اجمیر شریف درگاہ پر حاضری دینے پہنچے AIUDF کے سنائیں اسمبلی حلقہ سے رکن اسمبلی کریم الدین نے کہی۔

انہوں نے مزید کہا کہ AIUDF پارٹی کو آئندہ تیس اکتوبر کو ہونے والے ضمنی انتخاب میں کامیابی حاصل ہونے کی امید ہے۔ رکن اسمبلی نے درگارہ پر عقیدت کے پھول پیش کر کے زندگی میں کامیابی کی دعا کی۔

درگارہ پر حاضری کے بعد میڈیا سے بات کرتے ہوئے کہا کہ AIUDF رہنما بدرالدین اجمل کی قیادت میں آسام کے عوام میں بی جے پی کو درکنار کرے گی اور دو سیٹوں پر کامیابی حاصل ہوگی۔

رکن اسمبلی کو اجمیر شریف درگاہ کی زیارت سید عزیز احمد چشتی نے کرائی اور دربار کی دستار بندی کر کے تبرک پیش کیا۔ اس خاص موقع پر آل انڈیا یونائیٹڈ ڈیموکریٹک فرنٹ کے قومی صدر اور رکن پارلیمان مولانا بدرالدین اجمل کے لیے خصوصی دعا کی گئی۔