بھارت کی گنگا جمنی تہذیب پوری دینا میں اپنی منفرد شناخت رکھتی ہے۔ اس گنگا جمنی تہذیب کی خاصیت یہ ہے کہ یہاں کے لوگ مختلف مذاہب کا احترام کرتے ہوئے ایک دوسرے کے تہواروں کو عقیدت کے ساتھ مناتے ہیں۔ ابھی ماہ صیام کا مقدس مہینہ چل رہا ہے عام طور پر روزے کا ذکر آتے ہی ذہن میں کسی مسلم شخص کی تصویر بن جاتی ہے۔ لیکن روزہ رکھنے والوں میں صرف مسلم ہی نہیں بلکہ غیر مسلم لوگ بھی شامل ہیں۔
ہم آپ سے ایسے ہی چند افراد سے ملاقات کرا رہے ہیں جو گنگا جمنی تہذیب کی زندہ مثال پیش کرتے ہوئے رمضان المبارک میں روزے کا اہمتام کر رہے ہیں۔
ریاست راجستھان کے مشہور شہر اجمیر سے تعلق رکھنے والے راہل اپنی بیوی کے ساتھ روزہ رکھ رہے ہیں، انہوں نے کہا کہ وہ گذشتہ 8 برسوں سے رمضان کے روزے رکھ رہے ہیں۔
ای ٹی وی بھارت کے ساتھ بات چیت کرتے ہوئے انہوں نے کہا کہ ' انہوں نے موجودہ مہلک وباء کے پیش نظر عقیدت کے ساتھ روزہ رکھ کر دعاء گو ہیں کہ اس وباء سے نجات مل جائے'۔
ان کا ماننا ہے کہ روزہ رکھنے سے پیٹ کی مختلف بیماریاں ختم ہوجاتی ہیں، یہ صحت کے لیے بھی بہت فائدہ مند ہے، مزید اگر روزہ رکھنے کا عزم کرلیا جائے تو روزہ رکھنا کوئی مشکل کام نہیں۔'
