جاپان نہ صرف ممبئی-احمد آباد ہائی اسپیڈ ریلوے Japan's High Speed trains کو اپنے وقت کی جدید ترین ٹیکنالوجی فراہم کرے گا، بلکہ وقت کے ساتھ ساتھ ٹیکنالوجی کو اپ ڈیٹ کرنے اور منصوبے میں تاخیر کے سبب لاگت بڑھنے پر اضافی تعاون حاصل کرنے میں بھی مدد کرے گا۔ Japan,s bullet train to be Indianized
جاپان کے سفیر ساتوشی سوزوکی نے منگل کو ممبئی-احمد آباد ہائی اسپیڈ ریل پروجیکٹ کی تعمیر میں پیش رفت کا جائزہ لیا اور کام کی رفتار پر خوشی کا اظہار کرتے ہوئے کہا کہ تیز رفتار ریلوے لائن بھارت-جاپان تعلقات کو نئی بلندیوں تک پہنچائے گی۔
مسٹر سوزوکی نے سورت ہائی اسپیڈ اسٹیشن کی تعمیراتی سائٹ، سیگمنٹ اور گرڈر کی تعمیر کی جگہ کا دورہ کیا، جو اس پروجیکٹ کے تحت سب سے پہلے تعمیر کیا گیا ہے۔ اس موقع پر ان کے ساتھ نیشنل ہائی اسپیڈ ریل کارپوریشن کے منیجنگ ڈائریکٹر ستیش اگنی ہوتری اور دونوں ممالک کے سینئر افسران بھی موجود تھے۔
مسٹر سوزوکی نے بعد میں صحافیوں کو بتایا کہ ہائی سپیڈ ریلوے بھارت-جاپان تعلقات میں ایک اہم فلیگ شپ پروگرام ہے اور جاپان اس سلسلے میں اپنی جدید ترین ٹیکنالوجی بھارت کو دے گا، تاکہ بھارت اپنی استعداد کی بنیاد پر مزید تیز رفتار ریل پروجیکٹس کی تکمیل کر سکے۔
مزید پڑھیں:
- دہلی۔احمد آباد دوسرا بلیٹ ٹرین پروجیکٹ شروع
- بلٹ ٹرین پروجیکٹ کے رننگ ٹریک میں مالیگاؤں شہر کا نام بھی شامل
یو این آئی