نئی دہلی: مرکزی حکومت نے IDBI بینک کے 60.72 فیصد حصہ داری کو فروخت کرنے کا فیصلہ کیا ہے۔ حکومت نے اس سلسلے میں سرمایہ کاروں سے بولیاں بھی طلب کی ہیں۔ حکومت ایل آئی سی کے ساتھ مل کر اپنے حصص کو فروخت کرے گی۔ اس کے لیے بولی یا 'لیٹر آف انٹریسٹ' (EOI) جمع کرانے کی آخری تاریخ 16 دسمبر 2022 مقرر کی گئی ہے۔ بولیوں کو مدعو کرتے ہوئے، محکمہ سرمایہ کاری اور عوامی اثاثہ جات (DIPAM) نے کہا کہ ممکنہ سرمایہ کار کے پاس کم از کم خالص مالیت 22 ہزار 500 کروڑ روپے ہونی چاہیے۔ اس کے علاوہ، بولی لگانے کے لیے اہل ہونے کے لیے، کمپنی کا گزشتہ پانچ برسوں میں سے تین کا خالص منافع ہونا ضروری ہے۔ Govt invites bids for privatising IDBI Bank
DIPAM کے مطابق، درخواست دینے والے کنسورشیم میں زیادہ سے زیادہ چار اراکین کی اجازت ہوگی۔ کامیاب بولی دہندہ کو لازمی طور پر حصول کی تاریخ سے پانچ برس تک کم از کم 40 فیصد ایکویٹی کیپٹل برقرار رکھنا ہوگا۔ اس کے علاوہ، DIPAM نے بڑے صنعتی/ کارپوریٹ گھرانوں یا افراد کو بولی کے عمل میں حصہ لینے سے بھی روک دیا ہے۔ لائف انشورنس کارپوریشن آف انڈیا (ایل آئی سی) فی الحال IDBI بینک میں 529.41 کروڑ حصص کے ساتھ 49.24 فیصد حصص رکھتی ہے، جب کہ مرکزی حکومت کے پاس 488.99 کروڑ حصص کے ساتھ 45.48 فیصد حصص ہیں۔
DIPAM کے مطابق اس عمل میں حکومت کا 30.48 فیصد اور LIC کا 30.24 فیصد حصہ فروخت کیا جائے گا۔ اس کے ساتھ ہی، IDBI بینک میں کنٹرولنگ حصص بھی ممکنہ خریدار کو منتقل کر دیا جائے گا۔ اس کے ساتھ ہی، حصص کی فروخت کے بعد، بینک میں ایل آئی سی اور حکومت کی مشترکہ حصہ داری کم ہو کر 34 فیصد پر آ جائے گی۔
مزید پڑھیں:
