حیدرآباد: ٹیکس سیونگ پلان کا ہونا ضروری ہے۔ جو لوگ محفوظ اسکیموں کی تلاش میں ہیں وہ بینکوں اور غیر بینکنگ مالیاتی کمپنیوں (NBFCs) کی طرف سے پیش کردہ ٹیکس بچانے والی فکسڈ ڈپازٹ اسکیموں کا انتخاب کرسکتے ہیں۔ ہر شخص کو چاہیے کہ وہ ٹیکس کی بچت کو اپنے سالانہ مالیاتی منصوبوں کا ایک اہم حصہ بنائے۔ آئیے ٹیکس سیونگ فکسڈ ڈپازٹ سے متعلق کچھ اہم باتیں جانتے ہیں۔
ٹیکس بچانے کے لیے فکسڈ ڈپازٹ (FD) سرمایہ کاری کا ایک آپشن موجود ہے۔ جو ٹیکس چھوٹ، سیکورٹی اور بہتر ریٹرن جیسے بہت سے فوائد دیتا ہے۔ بینکوں کی طرف سے پیش کردہ یہ FDs سرمایہ کاری کے لیے محفوظ سمجھی جاتی ہیں۔ بہت سے سرمایہ کار بہتر ریٹرن اور تقریباً 7 فیصد کی شرح سود کو دیکھتے ہوئے ان میں سرمایہ کاری کررہے ہیں۔
جو لوگ ٹیکس بچانا چاہتے ہیں وہ موجودہ مالی برس کے اختتام سے پہلے ان FD اسکیمیں لینے کے بارے میں سوچ سکتے ہیں۔ انکم ٹیکس ایکٹ 1961 کا سیکشن 80C مختلف ٹیکس بچانے والی اسکیموں میں کی گئی سرمایہ کاری پر 1,50,000 روپے تک کی کٹوتی کی اجازت دیتا ہے۔ ان سکیموں میں سے ایک ٹیکس سیونگ فکسڈ ڈپازٹ ہے۔ ان اسکیموں میں جمع کی گئی رقم کا دعوی سیکشن 80C کی حد تک کیا جاسکتا ہے۔
افراد اور ہندو غیر منقسم خاندان (HUFs) ٹیکس چھوٹ کا دعوی کرنے کے لیے ان FDs میں سرمایہ کاری کر سکتے ہیں۔ اس کے لیے جس بینک میں آپ کا پہلے سے اکاؤنٹ ہے یا کسی اور بینک میں اکاؤنٹ کھولے جا سکتے ہیں۔ ان ڈپازٹس پر حاصل ہونے والا سود آپ کی کل آمدنی میں شامل ہونا چاہیے۔ ٹیکس فی الحال نافذ سلیب کی بنیاد پر ادا کیا جائے گا۔
TDS تب لگایا جاتا ہے جب بینک ڈپازٹس سے حاصل ہونے والا سود ایک سال میں 40,000 روپے سے زیادہ ہو۔ فارم 15G اور فارم 15H داخل کرکے کوئی بھی TDS میں رعایت حاصل کرسکتا ہے۔ بزرگ شہریوں کے لیے FD پر سود کی آمدنی 50,000 روپے تک ٹیکس سے فری ہے۔ تاہم کچھ پہلو ایسے ہیں جن پر ان منصوبوں کو لینے سے پہلے غور کرنا چاہیے۔ ٹیکس کی بچت فکسڈ ڈپازٹ پانچ برس کے لیے ہے۔ اس لاک ان پیریڈ کے دوران اس سے رقم نہیں نکالی جا سکتی۔ نیز ان ایف ڈی کے خلاف بطور سیکورٹی کوئی قرض نہیں لیا جا سکتا۔ ان ڈپازٹس پر سود کی شرح بینک سے مختلف ہوتی ہے۔
مزید پڑھیں:
