نئی دہلی: دنیا کے دوسرے امیر ترین صنعت کار گوتم اڈانی کے اڈانی گروپ نے امبوجا سیمنٹس لمیٹڈ اور اے سی سی لمیٹڈ کا حصول مکمل کر لیا ہے۔Adani Group Second Largest Cement Maker
کمپنی نے آج یہاں جاری ایک بیان میں کہا کہ لین دین میں سیبی کے ضابطوں کے مطابق دونوں اداروں میں کھلی پیشکش کے ساتھ امبوجا اور اے سی سی میں ہولسم کی حصہ داری کا حصول شامل ہے۔ امبوجا سیمنٹس اور اے سی سی کے لیے ہولسیم کی حصہ داری اور کھلی پیشکش کی قیمت 6.50 ارب ڈالر ہے، جو اسے اڈانی کی جانب سے اب تک کا سب سے بڑا حصول بناتا ہے اور یہ انفراسٹرکچر اور میٹریل اسپیس میں کے سب سے بڑے حصول میں انضمام کا سودا ہے۔ اس کے بعد، اڈانی کے پاس امبوجا سیمنٹس میں 63.15 فیصد اور اے سی سی میں 56.69 فیصد حصہ ہوگا (جس میں سے 50.05 فیصد امبوجا سیمنٹس کے ذریعے ہے)۔
آج تک ان دونوں کمپنیوں کی مشترکہ مارکیٹ کیپٹلائزیشن 19 ارب ڈالر ہے اور اس کے ساتھ اڈانی اب 67.5 ایم ٹی پی اے کی پیداواری صلاحیت کے ساتھ میں سیمنٹ بنانے والی دوسری بڑی کمپنی بن گئی ہے۔
واضح رہے کہ گوتم اڈانی دولت میں زبردست چھلانگ لگا کر دنیا کے دوسرے امیر ترین شخص بن گئے ہیں۔ اب وہ صرف ٹیسلا کے ایلون مسک سے پیچھے ہیں جو 273.5 بلین ڈالر کی مجموعی مالیت کے ساتھ دنیا کے امیر ترین شخص ہیں۔
یواین آئی
