روپیہ سات پیسے کمزور

گھریلو شیئر بازار میں زبردست تیزی سے ملی حمایت کے باوجود مضبوط ڈالر کے دباؤ میں پیر کے روز انٹربینکنگ کرنسی بازار میں روپیہ سات پیسے کمزور ہو کر 74.15 روپیے فی ڈالر پر آ گیا گذشتہ روز روپیہ 28 پیسے کی مضبوطی کے ساتھ 74.08 روپیے فی ڈالر پر تھا۔

شیئر بازار کی مضبوط آغاز کی بدولت روپیہ آج 13 پیسے کے اضافے کے ساتھ 73.95 روپیے فی ڈالر پر کھلا۔ کاروبار کے دوران یہ 73.83 روپیے فی ڈالر کے دن کی اعلیٰ سطح تک پہنچا۔

دنیا کی دیگر اہم کرنسیز کے باسکیٹ میں ڈالر گذشتہ کاروباری دن 10 ہفتے کی نچلی سطح تک لڑھک گیا تھا لیکن آج اس کی گراوٹ تھم گئی جس سے انڈین کرنسی دباؤ میں آ گئی۔ مضبوط ڈالر کے دباؤ میں روپیہ 74.18 روپیے فی ڈالر کی نچلی سطح تک کمزور ہوتا بالآخر گذشتہ روز کے مقابلے سات پیسے کمزور ہو کر 74.15 روپیے فی ڈالر پر بند ہوا۔