بھارتی ہاکی ٹیم کی کپتان رانی نے اس دورے کے سلسلے میں کہاکہ اس دورے کا منصوبہ بہت احتیاط سے کھلاڑیوں کی حفاظت کو مدنظر رکھتے ہوئے بنایا گیا ہے اور ہم موجودہ کورونا وائرس وبا کے باوجود چیمپئن شپ کو دوبارہ شروع کرنے کے لئے ہاکی انڈیا اور اسپورٹس اتھارٹی آف انڈیا (سائی ) کے بہت شکر گزار ہیں۔
ہمارے پاس جولائی 2021 میں اولمپک کھیلوں کے لئے ٹوکیو پہنچنے سے پہلے 200 سے زیادہ دن کا وقت ہے اور ارجنٹینا جیسی مضبوط ٹیم کے خلاف میچ کھیلنا بہت اہم ہے۔
رانی نے کہا کہ' ٹیم اس موقع کے لئے کافی پرجوش ہے اور اس ٹور کو پوری شدت سے دیکھ رہی ہے۔ یہ موقع ہمیں اس سطح کو سمجھنے میں مدد فراہم کرے گا جو ہم بنگلورو میں تقریبا پانچ ماہ طویل قومی کوچنگ کیمپ کے بعد کررہے ہیں۔
مزید پڑھیں: تیسرے ٹیسٹ میں روہت شرما کی واپسی پر سب کی نظریں
واضح رہے کہ کورونا وائرس وبا نے تمام قومی اور بین الاقوامی مقابلوں کو متاثر کرنے اور اچانک رکاوٹوں کا باعث بننے کے بعد، یہ پہلا موقع ہوگا جب اولمپک کھیلوں کی تیاری کرنے والی بھارت ہاکی ٹیم کو بین الاقوامی دورے کے لئے سفر کرنے کی سرکاری منظوری ملی ہے۔
۔یواین آئی۔
