پیپلز الائنس فار گپکار ڈکلریشن کے ترجمان محمد یوسف تاریگامی نے دہلی میں وزیر اعظم نریندر مودی سے میٹنگ سے قبل میڈیا سے بات کرتے ہوئے کہا کہ ہم جموں و کشمیر اور لداخ کی نمائندگی کرنے آئے ہیں اور جو کچھ بھی پانچ اگست 2019 کو جموں و کشمیر کے ساتھ کیا گیا ہے وہ ہماری مرضی کے خلاف ہوا ہے۔
'پانچ اگست کے واقعات ہماری مرضی کے خلاف ہوئے'
انہوں نے کہا کہ بھارتی حکومت کا فیصلہ غیر جمہوری تھا ہم حکومتِ ہند سے مطالبہ کریں گے کہ جموں و کشمیر کی خصوصی پوزیشن کو بحال کیا جائے، جو بھارتی آئین نے ہمیں دی تھی۔
واضح رہے کہ آج جموں و کشمیر کے 14 رہنماؤں کی وزیراعظم کے ساتھ میٹنگ ہونے والی ہے۔ 19 جون کو مرکز نے خطہ کے 14 رہنماؤں کو دہلی مدعو کیا تھا۔
