مہاتما گاندھی کے پڑپوتے اور مصنف تشار گاندھی جمعہ کو راہل گاندھی کے ساتھ بھارت جوڑو یاترا میں شامل ہوئے۔ اس دوران انہوں نے ساورکر پر دئے گئے راہل گاندھی کے بیان کی حمایت کی۔ تشار گاندھی نے کہا کہ راہل نے جو کہا اس کے ثبوت تاریخ میں موجود ہیں۔ یہ سچ ہے۔ ساورکر انگریزوں کے دوست تھے اور جیل سے باہر آنے کے لئے معافی مانگی تھی۔ تشار گاندھی نے کہا کہ یہ واٹس ایپ یونیورسٹی کا علم نہیں ہے۔ Savarkar Comment Row
بتا دیں کہ ساورکر پر تبصرہ کے بعد راہل گاندھی کو تنقید کا نشانہ بنایا جا رہا ہے۔ مہاراشٹر میں بھارت جوڑو یاترا کے دوران راہل نے کہا تھا کہ ساورکر نے انگریزوں کو معافی نامہ لکھا تھا اور پنشن بھی لیتے تھے۔ انہوں نے یہ بھی کہا کہ ساورکر نے یہ سب انگریزوں کے خوف سے کیا۔ میں اس حقیقت کے بارے میں بالکل واضح ہوں کہ انہوں نے انگریزوں کی مدد کی۔ کانگریس ایم پی نے کہا کہ ساورکر نے مہاتما گاندھی، جواہر لال نہرو اور سردار پٹیل جیسے لیڈروں کو دھوکہ دیا ہے۔ Tushar Gandhi defends Rahul in Savarkar comment row
وہیں جمعہ کو بھارت جوڑو یاترا میں تشار گاندھی بھی شامل ہوئے۔ اس کے بعد کانگریس نے ایک ٹویٹ کیا، اس ٹویٹ میں دو تصویریں ہیں۔ ایک تصویر میں پنڈت جواہر لعل نہرو اور مہاتما گاندھی، جب کہ دوسری تصویر میں راہل گاندھی اور تشار گاندھی ہیں۔ ساتھ ہی کیپشن میں لکھا کہ ملک مشکل میں ہو اور گاندھی-نہرو کندھے سے کندھا ملا کر نہ نکلیں، یہ ممکن نہیں ہے۔ تحریک آزادی سے بھارت جوڑو کی تحریک تک کا سفر گواہ ہے، ہم نے اس وقت ملک کو آزادی دی تھی اور آج ملک کو متحد کریں گے۔
