ترواننت پورم: سائنسی اور صنعتی تحقیق کی کونسل (سی ایس آئی آر) کے ڈائریکٹر جنرل اور سائنسی اور صنعتی تحقیق کے محکمہ (ڈی ایس آئی آر) کے سکریٹری ڈاکٹر این کلیسیلوی نے کہا ہے کہ ربڑ کی مصنوعات کی بڑھتی ہوئی عالمی مانگ کے پیش نظر قومی سائنسی اداروں کو ملک بھر میں اس کی کاشت کو فروغ دینا چاہیے۔ ڈاکٹر کلیسیلوی نے یہاں منعقد او ڈبلیو او ایل تقریب میں کہا کہ ربڑ کی کاشت کو ملک بھر میں آب و ہوا کے لیے مطابق اور سبھی علاقوں کی فصل کے طور پر مقبول بنانے کی کوشش کی جانی چاہیے۔ اور نیشنل انسٹی ٹیوٹ فار سائنس اینڈ ٹیکنالوجی (این آئی آئی ایس ٹی) کو اسے ایک چیلنج کے طور پر لینا چاہیے۔
انہوں نے کہا کہ کیرالہ ربڑ میں اپنے ورثے کے لیے جانا جاتا ہے، این آئی آئی ایس ٹیکسانوں کے ساتھ مل کر یہ کام کر سکتا ہے اور ربڑ کی کاشت کو اینڈ ٹو اینڈ سپورٹ سسٹم بنا سکتا ہے، جس سے مقامی لوگوں کو روزگار ملے گا اور ربڑ پر مبنی صنعت قائم ہو گی اور کسانوں کو خاطر خواہ فائدہ حاصل ہوگا۔ انہوں نے کہا 'ہم ربڑ پر مبنی مصنوعات کے لیے بہت سے ممالک پر انحصار کرتے ہیں، چاہے وہ ٹائر ہو یا ویلیو ایڈڈ ربڑ کی مصنوعات۔ جب ملک آتم نربھر بھارت، خود کفیلی اور میک ان انڈیا پہل کے بارے میں بات کر رہا ہے، تو این آئی آئی ایس ٹی کو ربڑ کی کاشت میں زیادہ سے زیادہ کسانوں کو فروغ دینے اور انہیں اچھی آمدنی حاصل کرنے میں مدد کرنے کی کوشش کرتے ہوئے نئی پہل کرنی ہوگی۔
انہوں نے مزید کہا کہ این آئی آئی ایس ٹی کیرالہ کے کوئر اور مسالے کے شعبوں میں مداخلت کو بھی فروغ دے سکتا ہے۔ یہ دیکھتے ہوئے کہ ہندوستان کے اگلے 25 سال سائنسی لحاظ سے اہم ہیں۔انہوں نے او ڈبلیو او ایل پروگرام کے حصے کے طور پر موٹے اناج کی نمائش کے اسٹال کا بھی افتتاح کیا۔ ڈاکٹر سی آنندرام کرشنن، ڈائریکٹر، سی ایس آئی آر-این آئی آئی ایس ٹی، ترواننت پورم نے تقریب کی صدارت کی۔ پروفیسر جاوید اقبال، چیئرمین، سی ایس آئی آر-این آئی آئی ایس ٹی ریسرچ کونسل، مہمان خصوصی تھے۔
یہ بھی پڑھیں: West bengal Govt ممتا بنرجی نے بنگال میں مرکزی حکومت سے پوست کی کاشت کی اجازت مانگی
یو این آئی
