صدر جمہوریہ رام ناتھ کووند منگل کو 2020_2021 کے لیے 29 نمایاں شخصیات کو 'ناری شکتی پرسکار ' سے نوازیں گے۔ خواتین کو بااختیار بنانے کے لیے اور ان کے غیر معمولی کام کے اعتراف میں 29 خواتین (خصوصا کمزور اور پسماندہ طبقات) کو ناری شکتی پرسکار دیے جائیں گے۔ President Kovind to Confer Nari Shakti Puraskars on 29 Outstanding Individuals
ایوارڈ حاصل کرنے والوں میں مرچنٹ نیوی کی کپتان رادھیکا مینن، سماجی کاروباری انیتا گپتا، آرگینک فارمر اور قبائلی کارکن اوشابین دنیش بھائی وساوا، اختراعی ناصرہ اختر، انٹیل-انڈیا کی سربراہ نروتی رائے، ڈاؤن سنڈروم سے متاثرہ کتھک ڈانسر سائلی نندکیشور اگوانے، پہلی سنیک ریسکیور خاتون ونیتا جگدیو بوراڈے اور ریاضی دان نینا گپتا کے نام شامل ہیں۔
عالمی یوم خواتین کے موقع پر وزیر اعظم نریندر مودی نے پیر کو ناری شکتی پرسکار حاصل کرنے والوں سے بات چیت کی۔ ناری شکتی پرسکار خواتین اور بچوں کی ترقی کی وزارت کی جانب سے افراد اور اداروں کے غیر معمولی تعاون کو تسلیم کرنے اور خواتین کو گیم چینجر اور معاشرے میں مثبت تبدیلی کے طور پر منانے کی ایک پہل ہے۔
وزیر اعظم نے ایوارڈ حاصل کرنے والوں کو ان کے کام کے لیے سراہتے ہوئے کہا کہ وہ معاشرے کے ساتھ ساتھ ملک کے لیے بھی رول ماڈل بن دہی ہیں۔ انہوں نے کہا کہ جہاں ان کے کام میں خدمات کا جذبہ ہے، وہیں ان کے کام میں اختراعی صلاحیت واضح طور پر نظر آتی ہے۔ انہوں نے کہا کہ اب کوئی شعبہ ایسا نہیں ہے جہاں خواتین نے اپنی شناخت نہ بنائی ہو اور ملک کا نام روشن کیا ہو۔
-
On the eve of Women’s Day, interacted with recipients of the Nari Shakti Puraskar. We are very proud of their accomplishments and their efforts to serve society. https://t.co/lfJIr6A1nn pic.twitter.com/wOlLHDeAW4
— Narendra Modi (@narendramodi) March 7, 2022 " class="align-text-top noRightClick twitterSection" data="
">On the eve of Women’s Day, interacted with recipients of the Nari Shakti Puraskar. We are very proud of their accomplishments and their efforts to serve society. https://t.co/lfJIr6A1nn pic.twitter.com/wOlLHDeAW4
— Narendra Modi (@narendramodi) March 7, 2022On the eve of Women’s Day, interacted with recipients of the Nari Shakti Puraskar. We are very proud of their accomplishments and their efforts to serve society. https://t.co/lfJIr6A1nn pic.twitter.com/wOlLHDeAW4
— Narendra Modi (@narendramodi) March 7, 2022
مزید پڑھیں: Women's Day: عالمی یومِ خواتین کا مقصد کیا ہے؟
پی ایم مودی نے یہ بھی کہا کہ حکومت خواتین کی صلاحیتوں کو محسوس کرنے کے لیے کام کرنے کے لیے پرعزم ہے اور ایسی پالیسیاں بنا رہی ہے جس کے ذریعے اس طرح کی صلاحیتوں کی نشاندہی کی جا سکے۔ اس بات کو یقینی بنانا ضروری ہے کہ تمام خواتین خاندانی سطح پر فیصلہ سازی کا حصہ بنیں۔
انہوں نے یہ بھی کہا کہ حکومت کی کامیابی خواتین کے تعاون پر منحصر ہے۔ ایوارڈ حاصل کرنے والوں نے وزیراعظم کا شکریہ ادا کیا کہ انہوں نے انہیں ایسا پلیٹ فارم دیا جہاں ملک کی اعلیٰ قیادت ان کی بات سن رہی ہے۔ انہوں نے مزید کہا کہ وزیر اعظم سے ملنے اور ان سے بات چیت کا موقع ملنا ان کے لیے ایک خواب تھا۔
