ای ڈی کے اسپیشل انچارج جج پرفل کمار نے جمعرات کو گرفتار کے گئے پاپولر فرنٹ آف انڈیا کے رکن شفیق پیتھ کو 6 اکتوبر تک عدالتی تحویل میں بھیج دیا ہے، ای ڈی نے انہیں کیرالہ کے کوزی کوڈ سے گرفتار کیا گیا تھا،ای ڈی کی خصوصی عدالت میں پیش کرکے ان کا جوڈیشل ریمانڈ حاصل کیا گیا۔PFI Leader Sent to Judicial Custody
ملزم پر ہاتھرس واقعے کے ذریعے سماجی تانے بانے کو خراب کرنے کے لیے بیرون ملک سے فنڈنگ کا الزام ہے۔ ملزم پر دوحہ سے پی ایف آئی کی فنڈنگ کا انتظام کرنے کا الزام ہے۔ پی ایف آئی نے کیرالہ میں منار ولا پروجیکٹ قائم کیا تھا، اس منصوبے کے لیے خلیجی ممالک سے رقم کے حصول کا الزام ہے،ملزم پر یہ بھی الزام ہے کہ یہ رقم تشدد پھیلانے کے لئے طلب کی گئی تھی۔
مزید پڑھیں:Jamat E Islami Hind پی ایف آئی کے دفاتر پرچھاپے کی جماعت اسلامی نے مذمت کی
ای ڈی نے پہلے اس معاملے میں پی ایف آئی ممبران کے اے رؤف شریف، عتیق الرحمن، مسعود احمد، صدیقی کپن، اشرف قادر، عبدالرزاق پڈیاککل اور محمد عالم کو گرفتار کیا تھا۔ ان تمام کے خلاف چارج شیٹ بھی داخل کر دی گئی ہے۔
