پٹرول اور ڈیزل کی قیمتوں میں اضافہ تھمنے کا نام نہیں لے رہا ہے۔ آج منگل کو ایک بار پھر پٹرول اور ڈیزل کی قیمتوں میں 80 پیسے فی لیٹر کا اضافہ کیا گیا ہے۔ اب دہلی میں ایک لیٹر پٹرول کی قیمت 104.61 روپے فی لیٹر ہو گئی ہے۔ وہیں ڈیزل 95.87 روپے فی لیٹر میں فروخت ہو رہا ہے۔ ممبئی کی بات کریں تو پٹرول کی قیمت میں 84 پیسے فی لیٹر کا اضافہ ہوا ہے۔ اس طرح یہاں پٹرول 119.67 روپے فی لیٹر ہو گیا ہے۔ ڈیزل کی قیمت میں 85 پیسے فی لیٹر اضافہ کیا گیا ہے جس کے باعث اس کی قیمت 103 روپے 92 پیسے فی لیٹر ہوگئی ہے۔ کولکتہ میں پٹرول 114.28 روپے فی لیٹر اور ڈیزل 99.02 روپے فی لیٹر فروخت ہو رہا ہے۔ Petrol Diesel Price Hike
یہ بھی پڑھیں: Petrol, Diesel Prices: پیٹرول اور ڈیزل کی قیمتوں میں اضافہ
غور طلب ہے کہ پیر کو بھی پٹرول اور ڈیزل کی قیمتوں میں اضافہ کیا گیا تھا۔ دہلی میں پیٹرول اور ڈیزل کی قیمت میں 40 پیسے کا اضافہ کیا گیا، جب کہ ممبئی میں پیٹرول کی قیمت میں 84 پیسے فی لیٹر کا اضافہ ہوا تھا۔ وہیں ممبئی میں پیر کو ڈیزل کی قیمت میں 43 پیسے فی لیٹر کا اضافہ کیا گیا تھا۔ تقریباً ساڑھے چار ماہ تک مستحکم رہنے کے بعد 22 مارچ 2022 کو پٹرول اور ڈیزل کی قیمتوں میں اضافہ کیا گیا۔ اس کے بعد سے قیمتوں میں اضافہ جاری ہے۔
