ریاست اترپردیش کے ضلع مظفر نگر کے شہر کوتوالی علاقہ کے بھگت سنگھ روڈ پر واقع مشہور جویلرس شاپ ’رام کمار جیولرس شاپ’میں تقریباً 70 لاکھ مالیت کی 40 سونے کی چین چوری ہوگئی۔ اس کے علاوہ خریدار کی شکل میں آئے چور نے سونے کی چین کے کئی باکس پر بھی ہاتھ صاف کیا۔ چوری کی ساری وارادت سی سی ٹی وی کیمرے میں قید ہوگئی۔
مذکورہ واقعہ کی اطلاع ملنے پر پہنچی پولیس نے معاملہ کی تفتیش شروع کردی ہے۔
پولیس آفیسر سی او سٹی کلدیپ سنگھ نے کہا کہ رام کمار جیولرس جو ضلع کا سب سے مشہور جیولرس ہے مظفر نگر شہر کوتوالی علاقے کے بھگت سنگھ روڈ پر واقع ہے اس دکان پر خریدار کی شکل میں آئے چور نے تقریباً 70 لاکھ روپے کے سونے کی چین کے باکس پر ہاتھ صاف کرکے فرار ہوگیا۔
مزید پڑھیں:مظفرنگر: تین بائیک چور گرفتار، 16 موٹر سائیکلیں برآمد
چوری کی ساری وارادت دکان میں نصب سی سی ٹی وی کیمرے میں قید ہوگئی۔ اب پولیس شاطر چور کی شناخت اور گرفتاری کی کوشش کررہی ہے۔
