ممبئی کی سائبر پولیس Mumbai Cyber Police نے ایک ایسے 24 سالہ نوجوان کو بھوپال سے گرفتار کیا ہے جس پر معروف صحافی ومصنف رعنا ایوب کو دھمکی دینے کا الزام ہے۔ نوجوان پر الزام ہے کہ اس نے ٹوئٹر اور انسٹاگرام پر رعنا ایوب کو ریپ کرنے اور جان سے مارنے کی دھمکیاں دیں تھی۔ ملزم کی شناخت سدھارتھ سریواستو کے طور پر کی گئی ہے۔ ملزم نے صحافی کو دھمکی دی تھی اور خبردار کیا تھا کہ اگر اس نے اپنا کام بند نہیں کیا تو وہ اسے جان سے مار ڈالے گا۔
ممبئی پولیس نے بتایا کہ ملزم نے متاثرہ صحافی کو جان سے مارنے کی دھمکی دینے کے علاوہ بدسلوکی بھی کی ہے، ملزم نے جعلی انسٹاگرام اکاؤنٹ بنا رکھا تھا۔
- مزید پڑھیں: صحافی رانا ایوب کو جان سے مارنے کی دھمکی
اس گرفتاری کے بعد رعنا ایوب نے ٹویٹ کرتے ہوئے خوشی ظاہر کی ہے۔