جمعہ کی صبح مرکزی وزارت صحت کی جانب سے جاری اعداد و شمار کے مطابق گذشتہ 24 گھنٹوں کے دوران کورونا انفیکشن کے 81466 نئے معاملے سامنے آئے ہیں۔ جس کے بعد ہی متاثرہ افراد کی مجموعی تعداد ایک کروڑ 23 لاکھ 3 ہزار 131 ہوگئی ہے۔
وہیں اس دوران 50356 مریض صحت مند ہوئے ہیں، جنہیں ملاکر اب تک 11525039 افراد اس مہلک وبا سے صحتیاب ہوچکے ہیں۔۔سرگرم معاملے 614696 ہوگئے ہیں۔ اسی دوران مزید 469 مریضوں کی موت کے بعد ہلاک شدگان کی تعداد بڑھ کر 163396 ہوگئی ہے۔
ملک میں ری کوری کی شرح جزوی طور پر کم ہوکر 93.68 فیصد اور فعال معاملات کی شرح بڑھ کر 5.00 فیصد ہوگئی ہے جبکہ اموات کی شرح 1.33 فیصد رہ گئی ہے۔
مہاراشٹر میں کورونا کے فعال معاملات کے معاملے میں سرفہرست ہے اور ریاست میں گذشتہ 24 گھنٹوں کے دوران 10293 فعال معاملات بڑھ کر 367897 ہوگئے ہیں۔ گذشتہ 24 گھنٹوں کے دوران ریاست میں 32631 مزید مریض صحت یاب ہوئے ہیں ، جس کے ساتھ ہی کورونا کو شکست دینے والوں کی تعداد 2433 368 ہوگئی ہے ، جبکہ 249 مزید مریضوں کی موت سے ہلاک شدگان کی تعداد بڑھ کر 54898 ہوگئی ہے۔
