اگرتلہ: مرکزی وزیر داخلہ امت شاہ نے تریپورہ میں تمام قیاس آرائیوں پر یہ کہتے ہوئے روک لگا دی کہ مانک ساہا آئندہ اسمبلی انتخابات میں بھارتیہ جنتا پارٹی (بی جے پی) کے وزیر اعلیٰ کے امیدوار ہوں گے۔ جنوبی تریپورہ کے سبروم میں ایک عوامی ریلی سے خطاب کرتے ہوئے شاہ نے کہا کہ اگر بی جے پی دوبارہ اقتدار میں آتی ہے تو ڈاکٹر شاہ پارٹی کی طرف سے ریاست کے اگلے وزیر اعلیٰ ہوں گے۔Manik Saha BJP's chief ministerial candidate in Tripura
انہوں نے کہاکہ مانک بھائی کی قیادت کو پانچ سال دیں۔ وزیر اعظم نریندر مودی کی قیادت میں ڈبل انجن والی حکومت تریپورہ کو چھوٹی ریاستوں میں سب سے زیادہ خوشحال ریاست بنائے گی۔ اس سے پہلے سابق وزیر اعلی اور راجیہ سبھا کے رکن پارلیمنٹ بپلب کمار دیو، مرکزی وزیر مملکت برائے بااختیار بنانے اور سماجی انصاف پرتیما بھومک، اور بی جے پی کے ریاستی صدر راجیو بھٹاچارجی کے بارے میں کہا جاتا ہے کہ وہ پارٹی کا وزیر اعلیٰ کا چہرہ بننے کی دوڑ میں ہیں۔
پارٹی لیڈروں کے مطابق امت شاہ نے دہلی روانہ ہونے سے پہلے ریاست کے اعلیٰ لیڈروں کے ساتھ بات چیت کے دوران یہ واضح کیا کہ تریپورہ بی جے پی ڈاکٹر ساہا اور نائب وزیر اعلیٰ جشنو دیو ورما کی ہدایت پر کام کرے گی اور سب سے مل کر کام کرنے کو کہا۔ امت شاہ نے ریلی میں کہاکہ 'جب مودی جی نے مانک ساہا کو وزیر اعلیٰ بنایا تو میں نے ان سے ریاست میں ترقی کو آگے بڑھانے کو کہا۔ تریپورہ نے ان چھوٹی ریاستوں میں ملک میں تیسرا مقام حاصل کیا ہے جس نے بہت کم وقت میں ریاست میں نریندر مودی کی قیادت والی حکومت کے ترقیاتی کاموں کو نافذ کیا ہے۔ یہ ریاست کے لیے ایک بڑی کامیابی ہے۔'
یہ بھی پڑھیں: Tripura High Court On Biplab Deb تریپورہ ہائی کورٹ نے بپلب دیب کے گھر پر حملے کا ازخود نوٹس لیا
یو این آئی
