جموں و کشمیر کے لیفٹیننٹ گورنر منوج سنہا نے وزیر اعظم نریندر مودی کو ان کے 71 ویں جنم دن کے موقعے پر مبارک باد پیش کی ہے۔
ان کا کہنا ہے کہ نئے بھارت کی تعمیر کے لئے مودی جی کی انتھک کاوشیں ہم سب کے لئے حوصلے کا ذریعہ ہیں۔
یہ بھی پڑھیں: عسکریت پسندی کو کسی صورت برداشت نہیں کیا جائے گا: منوج سنہا
لیفٹیننٹ گورنر نے جمعے کے روز اپنے ایک ٹویٹ میں کہا: ’عزت مآب وزیر اعظم شری نریندر مودی جی کو ان کے جنم دن کے موقع پر مبارک باد پیش کرتا ہوں اور ان کی دراز عمر اور صحت مند زندگی کے لیے دست بدعا ہوں۔ نئے بھارت کی تعمیر کے لئے آپ کی غیر معمولی اور انتھک کاوشیں ہم سب کے لیے حوصلے کا ذریعہ ہیں، دعا گو ہوں کہ قوم آپ کی متحرک اور بصیرت افروز قیادت کے تحت ترقی کرتی رہے‘۔
یو این آئی
