Earthquake In Afghanistan: ہم اس مشکل وقت میں افغانستان کی مدد کے لیے تیار ہیں، بھارت

اقوام متحدہ: افغانستان میں شدید زلزلے سے ہونے والی تباہی کے درمیان بھارت نے کہا ہے کہ وہ اس مشکل وقت میں افغانستان کے لوگوں کی مدد کے لیے تیار ہے۔ افغانستان میں شدید زلزلے کے نتیجے میں 1000 کے قریب افراد ہلاک ہو گئے ہیں۔ ہزاروں گھر تباہ ہو چکے ہیں۔ جس کی وجہ سے بڑی تعداد میں لوگ بے گھر ہو گئے ہیں۔ اقوام متحدہ میں بھارت کے مستقل نمائندے ٹی ایس ترومورتی نے جمعرات کو افغانستان کے بارے میں سلامتی کونسل کی میٹنگ میں کہا کہ میں متاثرین اور ان کے اہل خانہ اور افغانستان میں شدید زلزلے سے متاثر ہونے والے ہر فرد کے تئیں اپنی تعزیت کا اظہار کرنا چاہتا ہوں۔ بھارت افغانستان کے لوگوں کے دکھ کو سمجھتا ہے اور اس مشکل وقت میں مدد فراہم کرنے کے لیے تیار ہے۔

اس سے قبل وزارت خارجہ کے ترجمان ارندم باغچی نے ٹویٹ کیا تھا۔ افغانستان کے لوگوں کے لیے بھارت کی جانب سے زلزلہ سے متعلق امداد کی پہلی کھیپ کابل پہنچ گئی ہے۔ اسے وہاں بھارتی ٹیم کے حوالے کر دیا گیا ہے اور ابھی مزید مدد بھیجی جائے گی۔ بدھ کی صبح افغانستان کے وسطی علاقے میں 6.1 شدت کا زلزلہ آیا۔ اس کا اثر صوبہ پکتیکا کے چار اضلاع گیان، برملا، ناکہ اور جروک کے ساتھ ساتھ صوبہ خوست کے سپیرا ضلع میں بھی دیکھا گیا۔

• At UNSC briefing on Afghanistan India expresses grief over tragic earthquake, vows to provide support
  
  Read @ANI Story |https://t.co/IHWGmrYTQR#UNSC #IndiaAfghanistan #Tirumurti #Earthquake pic.twitter.com/nRO0OwY9r8

  — ANI Digital (@ani_digital) June 23, 2022 " class="align-text-top noRightClick twitterSection" data="

  At UNSC briefing on Afghanistan India expresses grief over tragic earthquake, vows to provide support
  
  Read @ANI Story |https://t.co/IHWGmrYTQR#UNSC #IndiaAfghanistan #Tirumurti #Earthquake pic.twitter.com/nRO0OwY9r8

  — ANI Digital (@ani_digital) June 23, 2022

  ">

  At UNSC briefing on Afghanistan India expresses grief over tragic earthquake, vows to provide support
  
  Read @ANI Story |https://t.co/IHWGmrYTQR#UNSC #IndiaAfghanistan #Tirumurti #Earthquake pic.twitter.com/nRO0OwY9r8

  — ANI Digital (@ani_digital) June 23, 2022

اقوام متحدہ کے انسانی ہمدردی کے ادارے یونائیٹڈ نیشن آفس فار دی کوآرڈینیشن آف ہیومینٹیرین افیئرز (او سی ایچ اے) نے بتایا کہ زلزلے کا مرکز 10 کلومیٹر کی گہرائی میں تھا۔ جس کے سبب کم از کم 1000 افراد ہلاک اور بہت سے بے گھر ہو چکے ہیں۔ تقریباً دو ہزار مکانات تباہ ہو چکے ہیں۔ ترومورتی نے کہا کہ بھارت نے سلامتی کونسل کی قرارداد 2615 کی حمایت کی ہے، جو افغانستان کو انسانی امداد فراہم کرتا ہے اور ساتھ ہی اس بات کو یقینی بناتا ہے کہ ادارہ سلامتی کونسل کے فنڈز کے ممکنہ غلط استعمال اور دی گئی چھوٹ کے کسی بھی غلط استعمال کی نگرانی کرتا رہے۔ترومورتی نے زور دے کر کہا کہ ہمیشہ کی طرح افغانستان کے بارے میں بھارت کا رویہ اس کی تاریخی دوستی اور افغانستان کے لوگوں کے ساتھ خصوصی تعلقات پر مبنی ہے۔