مغربی بنگال کے دارالحکومت کولکاتا اور شمالی 24 پرگنہ کو علاوہ تقریباً تمام اضلاع میں کورونا وائرس کی دوسری لہر پر مکمل طریقے سے قابو پا لیا گیا ہے۔
ریاستی حکومت اور محکمہ صحت کی جانب سے کورونا کی تیسری لہر سے نمٹنے کی تیاریاں زور شور سے جاری ہیں اور عام لوگوں کے لئے احتیاطی تدابیر پر سختی سے عمل کرنے کی ہدایت جاری کی گئی ہے۔
اس درمیان تہواروں کے موسم کا آغاز ہوتے ہی کولکاتا اور اس کے اطراف کے اضلاع کے مشہور کپڑوں کے بازاروں میں خریداروں کی ہجوم نظر جہاں لوگوں نے کورونا گائیڈ لائن کی خلاف ورزی کی۔
مزید پڑھیں:۔ کووڈ۔19 کے یومیہ کیسز اور شرح اموات میں تشویشناک اضافہ
دارالحکومت کے تمام اہم اور بڑے بازاروں، شاپنگ مالز، شمالی 24 پرگنہ کے دمدم،بیلگھڑیا، بیرکپور، نئی ہٹی کے مشہور بازاروں کے علاوہ جنوبی 24 پرگنہ کے میٹیا برج، گڑیا، سٹی سینٹر، بہالہ، جادب پور، علی پور کے تمام شاپنگ مالز میں لوگوں کا ہجوم نظر آیا۔
ریاست کے مشہور ترین بازاروں اور شاپنگ مالز وغیرہ میں تہواروں کے لئے خریداری کرنے کے لئے آنے والوں کی زبردست ہجوم نظر آیا، حالانکہ ریاستی حکومت کی جانب سے تہواروں کے موسم کے مدنظر گائیڈ لائن جاری کر رکھی ہے۔ اس کے باوجود لوگوں میں اس کو لے کر کوئی خاص دلچسپی یا سنجیدگی نہیں پائی جا رہی ہے۔
کولکتہ پولیس بھی کورونا گائیڈ لائن کی خلاف ورزی کرنے والوں کے خلاف سخت کارروائی کا انتباہ دیا ہے لیکن مغربی بنگال کے دور دراز کے اضلاع سے خریداری کے لئے آنے والے لوگوں پر کچھ خاص اثر نہیں پڑ رہا ہے۔
