کانگریس پارٹی کے سینئر رہنما غلام نبی آزاد کو عوامی امور کے میدان میں پدم بھوشن ایوارڈ سے نوازا گیا۔ صدر جمہوریہ رام ناتھ کووند نے غلام نبی آزاد کو یہ اعزاز اپنے ہاتھوں سے دیا۔ رواں برس 26 جنوری کی شام کو حکومت ہند نے غلام نبی آزاد کو پدم بھوشن سے نوازنے کا اعلان کیا تھا۔ Ghulam Nabi Azad Receives Padma Bhushan Award
ایوارڈ حاصل کرنے کے بعد غلام نبی آزاد نے کہا کہ 'ملک کام کو پہچانتا ہے۔ جب میرے کام کی پہچان ہوتی ہے تو اچھا لگتا ہے۔ اس سے مجھے ملک کے لیے کام کرنے کی ترغیب ملتی ہے۔ انہوں نے کہا کہ 'ہمیں یہ نہیں سوچنا چاہیے کہ ایوارڈ کس کو ملا اور کس نے دیا۔ پدم ایوارڈز کوئی حکومت نہیں، ملک دیتا ہے۔
آپ کو بتادیں کہ رواں برس 128 افراد کو پدم ایوارڈز سے نوازا جا رہا ہے۔ جن میں 4 پدم وبھوشن، 17 پدم بھوشن اور 107 پدم شری دیے جائیں گے۔ ان ایوراڈ یافتہ میں 34 خواتین ہیں اور اس فہرست میں غیر ملکی/NRIs/PIOs/OCIs کے زمرے سے 10 افراد اور 13 بعد از مرگ ایوارڈ یافتہ افراد بھی شامل ہیں۔
واضح رہے کہ اس تعلق سے دوسری سول ڈیکوریشن تقریب 28 مارچ کو منعقد ہونے والی ہے۔
