اترپردیش، اتراکھنڈ اور میزورم کے سابق گورنر ڈاکٹر عزیز قریشی ضلع مرادآباد کے رہائشی و پرائیویٹ میسرس کوہ نور کرافٹ کے مالک حاجی افتخار علی کی رہائش گاہ پر تشریف لائے جہاں انکا پرتپاک استقبال کیا گیا، اس موقع پر افتحار علی نے سابق گورنر کی خدمات کو سراہتے ہوئے انہیں 'فخر ملت ایوارڈ' سے نوازا گیا۔
اس موقع پر سابق گورنر ڈاکٹر عزیز قریشی نے کہا کہ مجھے جب اترا کھنڈ کا گورنر بنایا گیا تو میری اول ترجیح ریاست کے چاروں دھام کی حفاظت اور وہاں پر آنے والے زائرین کے انتظامات کو بہتر بنانا تھا۔
مزید پڑھیں:۔ 'مودی حکومت بھارت کو ہندو راشٹر بنانے پر آمادہ'
انہوں نے کہا کہ مرادآباد کی عوام نے مجھے جو محبت دی ہے میں اس کا شکریہ ادا کرنے کے لیے یہاں آیا ہوں، انہوں نے مزید کہا کہ کچھ طاقتیں ملک کا ماحول خراب کرنا چاہتی ہیں، ملک کو توڑنا چاہتی ہیں، اس کے لیے ہم سب کو متحد ہوکر ایسی طاقتوں کا مقابلہ کرنا چاہیے۔
سماج وادی پارٹی آپ کو راجیہ سبھا بھیجنا چاہتی ہے کے سوال پر انہوں نے کہا کہ میں نے منع کردیا تھا اور کہا تھا کہ اگر بھیجنا ہے تو کانگریس کے ذریعے بھیجئے میں کانگریسی ہوں۔
