روڈ ٹرانسپورٹ اور ہائی ویز کے وزیر نتن گڈکری نے وقت کی ضرورت کے طور پر الیکٹرک بسوں کے زیادہ سے زیادہ استعمال پر زور دیا ہے اور کہا ہے کہ اس سے آلودگی میں کمی آئے گی اور ڈیزل اور خام تیل کی درآمد پر انحصار کم ہوگا۔
جمعرات کو یہاں منعقدہ سبز اور صحت مند ٹرانسپورٹ کے لیے پائیدار مالیات سے متعلق بین الاقوامی کانفرنس سے خطاب کرتے ہوئے مسٹر گڈکری نے کہا کہ اس نظام سے ماحولیات کو فائدہ پہنچے گا اور ڈیزل پیٹرول پر ہمارا انحصار کم ہوگا۔Commitment to stabilize the automobile industry
انہوں نے کہا کہ پبلک پرائیویٹ پارٹنرشپ الیکٹرک گاڑیوں کے استعمال کو فروغ دینے کے لیے پبلک ٹرانسپورٹ سسٹم میں دلچسپی ظاہر کرے گی۔
مرکزی وزیر نے کہا کہ الیکٹرک بسوں کی اہمیت بتاتے ہوئے انہوں نے کہا کہ ان کے آنے سے آلودگی میں کمی آئے گی اور ہم ڈیزل اور خام تیل کی درآمد کو بھی کم کرنے میں کامیاب ہو جائیں گے۔ سی ای ایس ایل کو 5450 ای بسوں کے ٹینڈر دینے پر مبارکباد دیتے ہوئے انہوں نے کہا کہ اس کی رفتار میں مزید اضافہ کیا جانا چاہیے اور 50000 ای بسوں کے بجائے پانچ لاکھ بسوں کا ہدف مقرر کیا جانا چاہیے۔
انہوں نے کہا کہ حکومت آٹوموبائل انڈسٹری کو فروغ دینے کی کوشش کر رہی ہے۔ یہ ایک ایسی صنعت ہے جس میں روزگار فراہم کرنے کی بہت زیادہ صلاحیت ہے، اسی لیے حکومت اسے 15 لاکھ کروڑ روپے کی صنعت بنانے کی کوشش کر رہی ہے۔ اس صنعت کو روزگار کے حوالے سے اہم قرار دیتے ہوئے انہوں نے کہا کہ یہ ملک میں چار کروڑ ملازمتیں پیدا کرنے کی صلاحیت رکھتی ہے۔ اس صنعت نے ریاست اور مرکزی حکومت کو زیادہ سے زیادہ ریونیو دیا ہے۔
مزید پڑھیں:Nitin Gadkari's New Plan: غلط پارکنگ والی گاڑیوں کی تصویر بھیجنے پر ملیں گے پانچ سو روپئے
یواین آئی
