ETV Bharat / bharat

Earthquake In Delhi NCR دہلی این سی آر سمیت کئی ریاستوں میں زلزلے کے جھٹکے

author img

By

Published : Mar 22, 2023, 7:07 AM IST

دہلی-این سی آر میں زلزلے کے شدید جھٹکے محسوس کیے گئے۔ اس زلزلے کی شدت 6.6 بتائی جا رہی ہے تاہم اس سے جانی و مالی نقصان کی کوئی اطلاع نہیں ہے۔ زلزلے کے سبب لوگوں میں خوف و ہراس کا ماحول ہے۔Earthquake tremors felt in Delhi

دہلی این سی آر سمیت کئی ریاستوں میں زلزلے کے جھٹکے
دہلی این سی آر سمیت کئی ریاستوں میں زلزلے کے جھٹکے

نئی دہلی: قومی دارالحکومت دہلی سمیت ملک کی کئی دیگر ریاستوں میں منگل کی رات تقریباً 10.18 بجے زلزلے کے شدید جھٹکے محسوس کیے گئے۔ ریکٹر اسکیل پر زلزلے کی شدت 6.6 بتائی گئی ہے۔ تاہم کسی جانی و مالی نقصان کی کوئی اطلاعات موصول نہیں ہوئی ہیں۔ موصولہ اطلاعات اور عینی شاہدین کے مطابق دہلی-این سی آر میں رات کو دو بار زلزلے کے شدید جھٹکے محسوس کیے گئے۔ زلزلے کے جھٹکے اتنے شدید تھے کہ لوگ خوف کے سبب گھروں سے باہر نکل آئے۔ لوگوں میں ابھی بھی خوف و ہراس کا ماحول ہے۔ زلزلے کے سبب لوگ اپنے مکانات سے باہر نکل کر کھلی جگہوں میں رات کو کافی دیر تک بیٹھے رہے۔ معلومات کے مطابق ریختر پیمانے پر زلزلے کی شدت 6.6 درج کی گئی ہے۔ اس زلزلے کا مرکز افغانستان کے علاقہ جُرم کو بتایا جا رہا ہے۔

  • #WATCH | Punjab: People rush out of their houses to open space as several parts of north India experiences strong tremors of earthquake.

    Visuals from Bathinda. pic.twitter.com/js44tjqnGc

    — ANI (@ANI) March 21, 2023 " class="align-text-top noRightClick twitterSection" data=" ">

دراصل منگل کو جب لوگ رات کا کھانا کھانے کے بعد آرام کرنے کی تیاری کر رہے تھے، اسی وقت اچانک زلزلے کے جھٹکوں سے عمارتیں لرزنے لگیں، جس سے لوگ خوفزدہ ہوکر سڑکوں پر نکل آئے۔ زلزلے کے جھٹکے اس قدر شدید تھے کہ لوگ خوف کے مارے فوراً سڑک کی طرف بھاگے اور جان بچانے کی کوشش کی۔ بتادیں کہ دہلی کے آس پاس کے علاقوں کے علاوہ ہریانہ، پنجاب، اتراکھنڈ، راجستھان، اتر پردیش اور جموں و کشمیر میں بھی زلزلے کے جھٹکے محسوس کیے گئے۔

  • #WATCH | Uttar Pradesh: People rush out of their houses to open spaces as several parts of north India experience strong tremors of earthquake.

    Visuals from Golf City, Noida. pic.twitter.com/Y5GmK1Ck2S

    — ANI (@ANI) March 21, 2023 " class="align-text-top noRightClick twitterSection" data=" ">

مزید پڑھیں:۔ Earthquake In J&K جموں و کشمیر میں شدید زلزلے کے جھٹکے

ریکٹر اسکیل پر زلزلے کی شدت 6.6 بتائی گئی ہے۔ اطلاعات ہیں کہ قزاخستان، ترکمانستان، پاکستان، تاجکستان، ازبکستان، چین، کرغزستان اور افغانستان میں زلزلے کے شدید جھٹکے محسوس کیے گئے۔ زلزلے کا مرکز افغانستان میں ہندوکش میں بتایا گیا ہے۔ وہیں پاکستان اور افغانستان میں 6.8 شدت کے زلزلے کے جھٹکے محسوس کیے گئے اور پاکستان کے کئی علاقوں میں زلزلے کے شدید جھٹکے محسوس کیے گئے۔ جیو نیوز کے مطابق پاکستان میں زلزلے کے باعث نو افراد ہلاک جبکہ متعدد زخمی ہوگئے ہیں۔

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.