دہلی میرٹھ ایکسپریس وے سے بیریکیڈنگ ہٹائی گئی

دہلی پولیس نے غازی آباد سے دہلی جانے والی سڑک میرٹھ ایکپریس سے بیریکیڈنگ ہٹا دی ہے۔

دہلی میرٹھ ایکسپریس وے پر غازی آباد سے دہلی جانے والے راستے پر لگی بیریکیڈنگ ہٹائی جا رہی ہے۔ جے سی بی اور ڈنپر کی مدد سے بیریکیڈنگ ہٹائی جا رہی ہے۔

دہلی پولیس ٹکری سرحد (دہلی۔ہریانہ) اور غازی پور سرحد (دہلی۔ یوپی) سڑکوں سے بھی بیریکیڈنگ ہٹارہی ہے۔

پولیس نے لوگوں کی آمدو رفت کے لئے ایک دوسری جانب سے راستہ کھولنے کا فیصلہ کیا ہے اور اس راستہ کو جلد از جلد لوگوں کے لئے کھول دیا جائے گا تاکہ ٹریفک کا مسئلہ در پیش نہ ہو۔

یہ راستہ کھلنے کے بعد لوگوں کو راحت مل سکتی ہے۔ جمعرات کو دہلی پولیس اور ہریانہ انتظامیہ کے درمیان ہوئی میٹنگ کے بعد یہ فیصلہ کیا گیا۔