یوتھ کانگریس کے ریاستی صدر وکرانت بھوریہ نے خبر کی تصدیق کی ہے کہ کانگریس سے جوبٹ کی ایم ایل اے اور قد آور رہنما کلاوتی بھوریہ انتقال کرگئیں۔ حال ہی میں وہ کورونا سے متاثر ہوئی تھیں اور ان کا اندور میں علاج جاری تھا۔ کلاوتی بھوریہ زندگی اور موت کی کشمکش میں مبتلا تھیں۔ انہوں نے گذشتہ رات آخری سانسیں لی۔
- سیاسی حلقوں میں سوگ کی لہر
عوامی نمائندے کی حیثیت سے ان کی سادگی، کوش مزاجی اور تندہی اپنے آپ میں ایک مثال تھی، یقیناً ان کی رخصتی پورے ضلع اور ریاست کے لئے ایک بہت بڑا نقصان ہے۔ قبائلی خطہ کے لیے بھی یہ خبر کسی بڑے صدمے سے کم نہیں ہے۔ ان کی وفات کے بعد سیاسی حلقوں میں سوگ کی لہر دوڑ گئی ہے۔
- ایم پی کانگریس نے ٹویٹ کرتے ہوئے خراج تحسین پیش کیا
کانگریس کی قد آور لیڈر کلاوتی بھوریہ کی موت کے بعد ایم پی کانگریس نے ٹویٹ کرکے غم کا اظہار کیا ہے، کانگریس کے رکن پارلیمنٹ نے لکھا ہے کہ ریاست مدھیہ پردیش کانگریس کی سینئر لیڈر اور جوبٹ کے علاقے سے ایم ایل اے کلاوتی بھوریہ جی کی موت کی خبر افسوسناک ہے، کانگریس کا پریوار وکنبہ ان کی روح کی شانتی کے لیے دعاگو ہے، ساتھ ہی اہل خانہ کو غموں کے اس پہاڑ سے نکلنے لیے صبر کی تلقین کرتا ہے۔ کانگریس ان کے افراد خاندان کے غم میں برابر کی شریک ہے۔
