پولیس کے مطابق راجوری سے سات کلو میٹر کی دوری پر گوردن بالا میں ایک ٹریکٹر قابو سے باہر ہو کر گہری کھائی میں جاگرا، جس کے نتیجے میں ٹریکٹر پر سوار دونوں افراد موقع پر ہی ہلاک ہوگئے۔
پولیس سے ملی جانکاری کو مطابق ٹریکٹر راجوری کی طرف جارہا تھا کے اچانک ڈرائیور کے قابو سے باہر ہو کر سو فٹ گہری کھائی میں جاگرا جس کے نتیجے میں سنجیو چودھری ولد تولا رام ساکنہ چوکیاں نوشہرہ اور محمد امجد ولد محمد صادق ساکنہ گوردن بالا کی موقع پر موت ہوگئی۔
مقامی لوگوں اور پولیس کی مدد سے لاشوں کو ضلع ہسپتال منتقل کیا گیا، جہاں پوسٹ مارٹم کے بعد لاشیں وارثوں کو سونپ دی گئی۔
پولیس نے اس سلسلہ میں مقدمہ درج کر کے کاروائی شروع کر دی ہے۔
