مہاراشٹر کے دارالحکومت ممبئی میں واقع بھارتی آئین ساز بھیم راؤ امبیڈکر کی رہائش گاہ پر کچھ نا معلوم افراد نے توڑ پھوڑ کی ہے، ان کی رہائش گاہ کے باہر نصب سی سی ٹی وی کیمرے کو بھی نقصان پہنچایا ہے۔
بتایا جا رہا ہے کہ ان معلوم افراد نے ان کے گھر کے باہر رکھے پھولوں کے گملے کو بھی توڑ دیا اور اور وہاں موجود پودوں کو اکھاڑ کر پھینک دیا۔
اس پورے معاملے کی ریاست کے وزیر داخلہ انل دیش مکھ نے مذمت کی ہے اور قصورواروں کے خلاف کارروائی کی بات کہی ہے۔
اس سلسلے میں انہوں ٹویٹ کر کے کہا ہے کہ 'ڈاکٹر بھیم راؤ امبیڈکر کی رہائش گاہ پر کچھ نامعلوم افراد کا حملہ کرنا قابل مذمت ہے، پولیس اس معاملے کی تحقیقات کررہی ہے، ملزمین کے خلاف سخت کارروائی ہوگی۔'
ڈاکٹر بھیم راؤ امبیڈکر کے پوتے اور ونچت بہوجن اگھاڑی کے صدر پرکاش امبیڈکر نے لوگوں سے امن قائم رکھنے کی اپیل کی ہے۔
