اس دوران پرانی دہلی کے مختلف علاقوں سے بڑی تعداد میں مرد و خواتین نے شرکت کی، اس تقریب کے دوران معروف تاریخ داں سہیل ہاشمی نے بھارتی آئین کی تمہید کو عوام کے سامنے پڑھا۔
شہریت ترمیمی قانون کے خلاف کینڈل مارچ
ناٹ ان مائی نیم نامی تحریک کے بینر تلے منعقدہ کینڈل مارچ کے بعد شاہی جامع مسجد کی سیڑھیوں پر اردو زبان میں پریئمبل بھارتی آئین کی تمہید کو با آواز بلند پڑھا گیا، اور مرد و خواتین نے ایک آواز ہو کر سہیل ہاشمی کے ذریعہ پڑھی گئی تمہید کو دہرایا۔
قابل ذکر ہے کہ جب سے شہریت ترمیمی قانون دونوں ایوانوں سے پاس ہوا ہے تب سے ملک گیر سطح پر احتجاج کیا جا رہا ہے۔
حالانکہ حکمراں جماعت کی جانب سے اب تک اس طرح کی کوئی بھی بات سامنے نہیں ہے جس سے یہ محسوس ہو کہ حکومت شہریت ترمیمی قانون میں تبدیلی کے لیے ذرا بھی تیار ہوئی ہو۔
