ملک میں ہر سال 7 دسمبر کو مسلح افواج کا یوم پرچم منایا جاتا ہے اور اس کے پیش نظر سابق فوجیوں کے محکمہ نے یہ اپیل کی ہے۔ یہ محکمہ بہادر خواتین، شہیدوں کے بچوں، جسمانی طور پر معذور فوجیوں اور سابق فوجیوں کی فلاح و بہبود کے لئے کام کرتا ہے۔
محکمہ خاص طور پر ان بچوں کی تعلیم، معاشرتی رسومات اور طبی امداد وغیرہ کے لئے مالی اعانت فراہم کرتا ہے اور یہ اعانت اس فنڈ سے فراہم کی جاتی ہے۔
محکمہ نے تمام شہریوں سے شہید فوجیوں کے اہل خانہ کی فلاح و بہبود کے کاموں کو مدنظر رکھتے ہوئے اس فنڈ میں اپنا تعاون کرنے کی اپیل کی ہے۔ یہ مدد کیندریہ سینیک بورڈ سیکرٹریٹ نئی دہلی میں چیک یا ڈیمانڈ ڈرافٹ کے ذریعے دی جاسکتی ہے۔
یہ چیک 'آرمڈ فوس فلیگ ڈے فنڈ' کے نام پر دیا جاسکتا ہے۔ عطیہ کی رقم پنجاب نیشنل بینک، آر کے پورم کے اکاؤنٹ نمبر 3083000100179875 میں براہ راست جمع کی جاسکتی ہے۔ بینک کا IFSC کوڈ پی این بی 308300 ہے۔ یہ رقم آن لائن بھی جمع کی جاسکتی ہے۔
