آسام کے سابق وزیر عطا الرحمان مزاربھوئیا نے بی جے پی کی معطل لیڈر نوپور شرما اور نوین کمار جندل کے خلاف مسلم کمیونٹی کے مذہبی جذبات کو ٹھیس پہنچانے پر ایف آئی آر درج کرائی ہے۔ یہ ایف آئی آر کٹیگورہ پولیس اسٹیشن میں کرائی گئی ہے۔ سابق ایم ایل اے نے پولیس سے ان سیاست دانوں کے خلاف تعزیرات ہند IPC کی سخت دفعات کے تحت مقدمہ درج کرنے کی اپیل کی ہے۔ Prophet Remarks Row
مزاربھوئیا نے کہا کہ 'ان دو لوگوں نے جان بوجھ کر سماج میں ایک خاص کمیونٹی کے جذبات کو ٹھیس پہنچائی ہے۔ ان کے خلاف ملک کے موجودہ قانون کی بنیاد پر سخت کارروائی کی جانی چاہیے۔ واضح رہے کہ حال ہی میں ایک قومی ٹیلی ویژن چینل پر بحث کے دوران نوپور شرما نے مبینہ طور پر پیغمبر اسلام کے خلاف توہین آمیز تبصرہ کیا تھا، جس پر مسلم ممالک کے شدید رد عمل کے بعد ان سے پارٹی کی بنیادی رکنیت چھین لی گئی تھی۔
اس معاملے پر بھارت سمیت دنیا کے کئی مسلم ممالک میں احتجاجی مظاہرہ کیا گیا، ابھی کچھ دن پہلے ہی آسام کے کاچھر ضلع میں نوپور شرما کے پتلے جلائے گئے تھے۔ بگڑتے ہوئے ماحول کو دیکھتے ہوئے ریاستی انتظامیہ نے وادی بارک کے تمام اضلاع میں سی آر پی سی کی دفعہ 144 نافذ کر دی تھی۔
یو این آئی
