نئی دہلی: صدر دروپدی مرمو کی قیادت میں یوم جمہوریہ کے موقع پر قومی پرچم ترنگا لہرایا گیا۔ اس موقع پر مصر کے صدر عبدالفتاح السیسی نے بطور مہمان خصوصی شرکت کی۔ اس موقع پر قومی ترانہ گایا گیا اور 21 توپوں کی سلامی دی گئی۔ یوم جمہوریہ کے موقع پر پہلی بار کرتویہ پتھ پر پریڈ کا انعقاد کیا جا رہا ہے۔ پہلے یہ جگہ راج پتھ کے نام سے مشہور تھی۔ قبل ازیں وزیر اعظم نریندر مودی نے کرتویہ پتھ کے راستے پر صدر دروپدی مرمو اور یوم جمہوریہ کے مہمان خصوصی مصری صدر عبدالفتاح السیسی کا خیر مقدم کیا۔ قومی پرچم لہرایا گیا جس کے بعد 21 توپوں کی سلامی کے ساتھ قومی ترانہ بجایا گیا۔ اس کے بعد پریڈ شروع ہوئی۔
بھارت آج 26 جنوری کو 74واں یوم جمہوریہ منا رہا ہے۔ ملک میں پہلی بار قبائلی خاتون صدر دروپدی مرمو نے پریڈ کی سلامی لی۔ روایت کے مطابق قومی پرچم لہرایا گیا جس کے بعد 21 توپوں کی سلامی کے ساتھ قومی ترانہ بجایا گیا۔ یوم جمہوریہ کے موقع پر پہلی بار کرتویہ پتھ پر پریڈ کا انعقاد کیا جا رہا ہے۔ پہلے یہ جگہ راج پتھ کے نام سے مشہور تھی۔ اس پریڈ میں بھارتی فوجی طاقت کا مظاہرہ بھی ہوگا۔ ریاستوں کے جھانکیوں میں ثقافتی تنوع نظر آئے گا۔ اس کے ساتھ فضائیہ کے 50 طیارے اپنی طاقت کا مظاہرہ کریں گے۔
مزید پڑھیں:
