یوکرین کے پڑوسی ممالک سے 629 ہندوستانیوں کو لے کر ہندوستانی فضائیہ (IAF) کے تین طیارے آج (ہفتہ) صبح دہلی کے ہنڈن ایئر فورس بیس پر پہنچے۔ فضائیہ نے یہ اطلاع دی۔ درحقیقت روسی فوج کے حملے کے پیش نظر 24 فروری کو یوکرین کی فضائی حدود بند کر دی گئی تھی۔ اس کے بعد یوکرین کے پڑوسی ممالک رومانیہ، ہنگری، سلوواکیہ اور پولینڈ سے خصوصی پروازوں کے ذریعے پھنسے ہوئے ہندوستانی شہریوں کو واپس لایا جا رہا ہے۔
ہندوستانی فضائیہ نے ایک بیان میں کہا، 'یوکرین میں پھنسے ہندوستانیوں کو واپس لانے کے لیے چلائے جانے والے 'آپریشن گنگا' کے تحت فضائیہ کی 10 خصوصی پروازوں کے ذریعے اب تک 2,056 ہندوستانیوں کو وطن واپس لایا گیا ہے۔ اس کے علاوہ 26 ٹن امدادی سامان یوکرین کے پڑوسی ممالک کو بھی پہنچایا گیا ہے۔
یہ بھی پڑھیں:
'Operation Ganga: 218 Indians arrived in New Delhi آپریشن گنگا کے تحت یوکرین میں پھنسے 218 بھارتیوں کی واپسی
بیان میں کہا گیا ہے کہ IAF کے تین C-17 کارگو طیارے ہندوستانیوں کو واپس لانے کے لئے جمعہ کو ہنڈن ایئر فورس بیس سے روانہ ہوئے تھے، جو ہفتہ کی صبح 629 ہندوستانی شہریوں کو لے کر واپس آئے۔ 'یہ فضائیہ کے طیارے رومانیہ، سلوواکیہ اور پولینڈ سے ہندوستانیوں کے ساتھ واپس آئے ہیں۔ ان طیاروں کے ذریعے ہندوستان سے ان ممالک کو 16.5 ٹن امدادی سامان بھی پہنچایا گیا۔
