ریاست اترپردیش کے ضلع میرٹھ میں آزاد سماج پارٹی کی جانب سے ضلع مجسٹریٹ آفس کے باہر احتجاجی مظاہرہ کیا گیا اور قاتلوں کو جلد از جلد گرفتار کرنے کا مطالبہ بھی کیا گیا۔
خیال رہے کہ میرٹھ میں 25 جنوری کو صدر تھانا علاقے کے آبو نالے سے آکاش پاس کی لاش برآمد ہوئی تھی۔ لیکن ابھی تک پولیس اس کے قاتلوں کو گرفتار نہیں کر پائی ہے، جس کی وجہ سے آکاش کے گھر والوں نے دو روز قبل احتجاج کر جلد از جلد ملزمین کو گرفتار کر نے کی مانگ کی تھی۔ اس کے باوجود ابھی تک پولیس کی جانب سے اطمینان بخش کارروائی نہ ہونے و قاتلوں کو گرفتار نہیں کیے جانے سے آزاد سماج پارٹی کے کارکنان نے ضلع مجسٹریٹ آفس کے باہر احتجاجی مظاہرہ کر قاتلوں کو جلد از جلد گرفتار کرنے کا مطالبہ کیا۔
یہ بھی پڑھیں: 'غیر جانبدار صحافیوں کا کوئی بال بھی بیکا نہیں کر سکتا'
اس احتجاج کے دوران آزاد سماج پارٹی کے کارکنان نے پولیس کو آگاہ کرتے ہوئے کہا کہ اگر ملزمین جلد گرفتار نہیں کیے گئے تو وہ پولیس کے خلاف تحریک چلاکر انصاف کی لڑائی لڑنے سے بھی پیچھے نہیں رہیں گے۔
اترپردیش میں جس طرح سے جرائم کا گراف بڑھ رہا ہے اس کو دیکھ کر تو یہی کہا جا سکتا ہے کہ یہ حکومت کی ناکامی ہے۔ حکومت کو چاہیے کہ جلد از جلد جرائم پر قابو پائے تاکہ عوام سکون سے رہ سکیں۔
