ادھمپور: ضلع ادھم پور کے ’’دیوی کا تٹ‘‘ علاقے میں آئی ٹی بی پی اہلکار نے اپنے ساتھیوں پر فائرنگ کی۔ ITBP Soldier Fires Upon Comradesبرادر کشی کے اس واقعے میں ایک اہلکار ہلاک جبکہ تین دیگر شدید زخمی ہو گئے ہیں۔ ابتدائی معلومات کے مطابق آئی ٹی بی پی اہلکار امرناتھ یاترا کی ڈیوٹی پر تعینات تھے اور اس وقت دیوی کا کے کمیونٹی سینٹر میں انہیں ٹھہرایا گیا تھا۔
گولی کس وجہ سے چلائی گئی، کن وجوہات پر اہلکار نے یہ انتہائی قدم اٹھایا، اس کی وجہ ابھی تک معلوم نہیں ہو سکی ہے۔ ITBP Soldiers Kills comrade, Injures other threeقابل ذکر ہے کہ گزشتہ روز بھی صوبہ جموں کے پونچھ، سرنکوٹ علاقے میں واقع ایک فوجی کیمپ میں برادر کشی کا ایک واقعہ پیش آیا تھا، جس میں کم از کم دو فوجی اہلکار ہلاک ہو گئے تھے جبکہ دو فوجی شدید زخمی ہوئے ہیں۔
جموں وکشمیر میں تعینات سکیورٹی اہلکاروں میں خودکشی اور برادر کشی کے بڑھتے رجحان پر ماہرین نے گہری تشویش کا اظہار کیا ہے۔
