معاشرے میں نفرت کا ماحول اس قدر ہے جس کا اندازہ اس بات سے لگایا جاسکتا ہے کہ کھانے پینے کی چیزوں میں بھی اب یہ دیکھا جارہا ہے ان چیزوں کو لانے والا کس مذہب سے تعلق رکھتاہے۔ Hyderabad Swiggy Customer Writes On Food Order
ریاست تلنگانہ کے دارلحکومت حیدرآباد جس کی بھائی چارگی اور ایک دوسرے کے مذاہب کی احترام کی مثالیں دی جاتی تھیں، آج خیر سگالی کے ماحول میں چند لوگوں کی جانب سے نفرت کو بڑھاوا دیا جارہا ہے،دراصل حیدر آباد میں فوڈ ڈیلیوری ایپ سوئگی پر ایک صارف نے لکھا کہ’’ وہ اس بات کو یقینی بنائیں کو ڈیلیوری کے لئے کسی مسلمان شخص کو نہ بھیجیں۔
گاہک کی جانب سے سوئگی ایپ پر مخصوص ہدایات کا اسکرین شاٹ تلنگانہ اسٹیٹ ٹیکسی اور ڈرائیورز JAC کے چیئرمین شیخ صلاح الدین نے ٹوئٹر پر شیئر کیا ہے، سیکشن 'ہاؤ ٹو ریچ' کے تحت درج کی گئی ہدایت میں لکھا ہے: "مسلم ڈیلیوری پرسن نہیں چاہتے۔"
مزید پڑھیں:Attack on Swiggy Delivery Boy in Hyderabad: ہوٹل کے مالک اور ورکرز کا سوئگی ڈیلیوری بوائے پر حملہ
صلاح الدین نے اپنے ٹویٹ میں سوئگی سے کہا کہ وہ ایسے متعصب کسٹمر کے خلاف مناسب موقف اختیار کرے۔ سوئگی نے ابھی تک اس واقعے پر کوئی ردعمل ظاہر نہیں کیا ہے۔
