سرینگر: لیکس کنزرویشن اینڈ منیجمنٹ اتھارٹی نے ہفتہ کے روز شجرکاری مہم کا آغاز کیا۔ اس مہم کے تحت متعلقہ محکمے نے جھیل ڈل کے آس پاس 40 ہیکٹر زمین کی نشاندہی کر کے ایک لاکھ پودے لگانے کا حدف مقرر کیا ہے۔LCMA Plantation Drive In Srinagar
شجرکاری مہم کے پہلے روز ایل سی ایل ایم کے وائس چیئرمین بشیر احمد بٹ نے محکمہ کے دیگر افسران کے ہمراہ مہم کا افتتاح کیا۔ اس دوران برزہامہ اسکول سے طلبہ نے بھی شجرکاری مہم میں شرکت کی۔
اس دوران طلبہ نے خوشی کا اظہار کرتے ہوئے کہا کہ اس طرح کے اقدامات نہ صرف ماحول بلکہ انسان کی بقاء کے لیے بھی کافی اہمیت کے حامل ہیں۔ ایسے میں اس طرح کی مہم میں شرکت کرنا ہم سب کی ذمہ داری ہے۔ طلبہ نے لوگوں خاص کر جھیل ڈل کے آس پاس رہنے والے لوگوں کو اس مہم کا حصہ بننے پر زور دیا۔
مزید پڑھیں:Navigation Channels in Dal Lake ڈل جھیل میں نیویگیشن چینلز کی بحالی دسمبر تک متوقع
اس واقعے پر وی سی ایل سی ایم اے نے مہم کے اغراض و مقاصد بیان کرتے ہوئے کہا کہ ڈل جھیل قومی اثاثہ ہے ایسے میں جہاں جھیل کی حفاظت اور رکھ رکھاؤ ہماری اولین ترجیحات ہے۔اسی طرح جھیل کے گردو نواح کے پہاڑی دھروں کارکھ رکھاؤ کے ساتھ ساتھ شجرکاری کافی اہم ہے، تاکہ زمین کو کٹاؤ کو روکا جاسکے۔
انہوں نے کہا محکمہ ہر سال منصوبہ بند طریقے کی شجر کاری انجام دیتا آیا ہے اور امسال جھیل ڈل کے آس پاس ایک لاکھ پودے لگانے کا حدف مقرر کیا گیا۔
