سرینگر: ’’نیشنل کانفرنس سرینگر میونسپل کارپوریشن میں اپنا دبدبہ کھونے کے بعد کارپوریٹرس کو ہراساں، انکے مابین غلط فہمیاں پیدا کرنے اور انکے اتحاد کو کمزور کرنے کی ہر ممکن کوشش کر رہی ہے۔‘‘ ان باتوں کا اظہار سرینگر میونسپل کارپوریشن کے میئر جنید متو اور سابق نائب میئر عمران شیخ نے سرینگر میں ایک مشترکہ پریس کانفرنس کے دوران کیا۔ SMC mayor Accuses NC of Divide and Rule Policy
پریس کانفرنس کے دوران میئر اور سابق نائب میئر نے نیشنل کانفرنس کو سخت تنقید کا نشانہ بناتے ہوئے کہ: ’’دہائیوں بعد نیشنل کانفرنس کا دبدبہ ایس ایم سی میں ختم ہو گیا جس کے بعد وہ بوکھلاہٹ کا شکار ہو رہے ہیں۔ این سی کی جانب سے کارپوریٹرز کو توڑنے، ہراساں کرنے کی ہر ممکن کوشش کی جا رہی ہے جس میں وہ بعض مرتبہ کامیاب بھی ہوتے ہیں۔‘‘ Srinagar mayor Junaid Mattoo on National Conference
جنید متو نے پریس کانفرنس کے دوران نیشنل کانفرنس لیڈران کی مذمت کرتے ہوئے کہا: ’’این سی نے ہمیشہ دوغلی پالیسی اپنائی ہے اور ہر وقت وہ اقدات کے بھوکے رہے ہیں۔‘‘ متو نے دعویٰ کیا کہ ’’اگر ہمیں کبھی بھی ایسا معلوم ہوا کہ بطور میئر یا کارپوریٹرز ہم عوام کو بنیادی سہولیات فراہم کرنے سے قاصر ہیں تو ہمیں مستعفی ہونے میں کوئی عار محسوس نہیں ہوگا۔‘‘
مزید پڑھیں: پندرہ ہزار گلیوں کے لئے 15 جے سی بی، میئر کا انکشاف
