جموں و کشمیر اپنی پارٹی کے سربراہ سید الطاف بخاری Altaf Bukhari نے سرینگر میں نامہ نگاروں سے بات کرتے ہوئے ایک بار پھر پیپلز ڈیموکریٹک پارٹی کو سخت تنقید کا نشانہ بناتے ہوئے کہا: ’’پی ڈی پی وجود باقی نہیں رہا، پی ڈی پی کا کہیں نام و نشان نہیں ہے۔‘‘
اپنی پارٹی کے سربراہ نے مزید کہا یہ ’’پی ڈی پی، بھاجپا لیڈر ایل کے ایڈوانی BJP Leader LK Advaniکی پیداوار ہے اور اس پارٹی کے لیڈران نوجوانوں کو پھر سے قبرستان پہنچانے کی سعی کر رہے ہیں۔‘‘
الطاف بخاری نے جموں و کشمیر کے لوگوں کو ’’پی ڈی پی کے منصوبوں سے ہوشیار رہنے‘‘ کا مشورہ دیا۔
قابل ذکر ہے کہ سید الطاف بخاری نے پی ڈی پی سے کنارہ کشی اختیار کرکے اپنی علیحدہ پارٹی قائم کی تھی۔
الطاف بخاری پی ڈی پی - بی جے پی مخلوط سرکار PDP BJP Coalition میں وزیر رہ چکے ہیں۔
