ریاسی: جموں و کشمیر کے ریاسی کے ڈپٹی کمشنر بابیلا رکوال نے ضلع کے سیلہ علاقے میں 50 بستروں والے ’’آشیانہ سینئر سٹیزنز ‘‘ہوم کا افتتاح کیا۔ سنٹر کا قیام پبلک پیس اینڈ ڈیولپمنٹ فاؤنڈیشن نامی ایک این جی او اور محکمہ سماجی بہبود کے تعاون سے کیا گیا۔ اٹل وایس ابھیودے یوجنا اسکیم کے تحت جموں و کشمیر میں ضلع ریاسی پہلا ایسا ضلع بن گیا جہاں ایک این جی او کے اشتراک اور مرکزی اسکیم کے تعاون سے بزرگ شہریوں کے لئے رہائشی سہولیات تعمیر کی گئی۔ Senior citizen centre inaugurated in Reasi
بزرگ شہریوں کے لیے قائم کیے گئے سنٹر کی افتتاحی تقریب کے موقع پر پلوی شرما، ڈسٹرکٹ سوشل ویلفیئر آفیسر ریاسی۔ راجندر کمار ڈیگرا، ڈسٹرکٹ انفارمیشن آفیسر ادھم پور و ریاسی اور مظفر خواجہ، چیف فنکشنری پبلک پیس اینڈ ڈیولپمنٹ فاؤنڈیشن موجود تھے۔ تقریب کے دوران، مظفر خواجہ، چیف فنکشنری (این جی او) نے کہا کہ ’’ہماری این جی او ایسے بزرگوں کی دیکھ بھال کرے گی جو 60 سال کی عمر کو پہنچ چکے ہیں اور جن کا اپنا کوئی نہیں ہے اور انہیں باوقار زندگی گزارنے میں مدد فراہم کرے گی۔‘‘Ashiana home for senior Citizens inaugurated in Reasi
انہوں نے مزید کہا کہ بزرگ شہریوں کو مفت رہائش، کھانا، کپڑے، بستر، ٹی وی، ریڈیو، کتابیں، تفریح، صحت اور یوگا تک رسائی کے ساتھ ساتھ مزید بہت سی سہولیات فراہم کی جائیں گی۔ اسکے علاوہ انکی نفسیاتی صحت کے لیے بھی دیگر سرگرمیاں جاری رکھی جائیں گی۔
مزید پڑھیں: بزرگوں کو بھی تمام سہولیات مہیا کی جائیں: وینکیا
