پونچھ: مرکز کے زیر انتظام خطہ جموں و کشمیر میں بڑھتے سائبر فراڈ اور جرائم کے واقعات کے پیش نظر ضلع پونچھ میں واقع کے سی ڈگری کالج کے احاطہ میں ایس ایس پی پونچھ روہت باسکوترا کی ہدایت پر پولیس اہلکاروں کی جانب سے سائبر کرائم کے عنوان پر پروگرام منعقد کیا گیا۔ اس پروگرام میں کرشن چندر ڈگری کالج پونچھ کے پرنسپل ڈاکٹر جسبیر سنگھ نے مہمان خصوصی کے طور پر شرکت کی۔ اس پروگرام نوجوانوں نے کثیر تعداد میں شرکت کی۔ ماہرین نے سائبر کرام سے متعلق مختلف پہلؤں پر روشنی ڈالی اور ان جرائم سے بچنے کی تراکیب بھی بتائیں۔ ماہرین نے نوجوانوں سے کہا کہ انٹرنیٹ کے استعمال کے دوران محتاط رہیں، ورنہ سائبر گروہ انہیں اپنا شکار بنانے سے پیچھے نہیں رہیں گے۔
مزید پڑھیں: Cyber Awareness in Pulwama پلوامہ میں سائبر جرائم سے متعلق بیداری
پروگرام کے دوران پولیس کی سائبر ٹیم نے انٹرنیٹ کے اس دور میں سائبر کرائمز کی مختلف اقسام اور ہیکنگ، موبائل کے استعمال میں احتیاطی تدابیر کے تعلق سے بھی آگاہ کیا گیا۔ اس کے علاوہ سوشل میڈیا جیسے جاسوسی، فراڈ، فیس بک، واٹس ایپ وغیرہ کے استعمال کے دوران کس قسم کی احتیاطی تدابیر اختیار کرنے سے متعلق معلومات بھی فراہم کی گئیں۔اس موقع پر کالج کے طلباء سمیت سماجی تنظیموں اور اساتذہ نے بھی شرکت کی۔ اس موقعے پر ماہرین نے نوجوانوں کو سائبر کرائمز کی مختلف اقسام اور ان جرائم سے نمٹنے کے طریقوں کے بارے میں بتایا۔اس کے ساتھ ساتھ ضلع پولیس پونچھ نے سائبر مسائل کے بروقت ازالہ کے لیے یقین دہانی کرائی۔
