جموں: جموں و کشمیر کے ضلع پونچھ کے منڈی علاقے میں ایک پولیس اہلکار کی لاش برآمد ہوئی ہے۔ پولیس کا کہنا ہے کہ اس ضمن میں تحقیقات شروع کی گئی ہیں۔ ذرائع نے بتایا کہ پونچھ کے منڈی علاقے میں جمعہ کی شام ایک پولیس اہلکار غالباً واش روم جانے کے دوران پھسل کر گر گیا جس کے نتیجے میں ان کی موت واقع ہوئی ہے۔ Policeman Found Dead in Poonch
متوفی پولیس اہلکار کی شناخت نریندر شرما ولد رمیشور شرما ساکن رہاری کالونی جموں کے بطور ہوئی ہے جو منڈی میں کالیکہ مندر پر تعینات تھا۔ دریں اثنا ایک پولیس افسر نے واقعے کی تصدیق کرتے ہوئے کہا ہے کہ اس ضمن میں تحقیقات شروع کی گئی ہیں۔ انہوں نے کہا کہ قانونی و طبی لوازمات کی ادائیگی کے بعد لاش کو لواحقین کے حوالے کیا جائے گا۔
یہ بھی پڑھیں: Dead Body Found in Udhampur ادھم پور میں نہر سے لاش برآمد
یو این آئی
