سرینگر: جموں و کشمیر انتظامیہ نے پولیس کے ایک اعلیٰ افسر کو رشوت خوری میں گرفتار ہونے پر نوکری سے معطل کر دیا ہے۔ کرائم برانچ میں تعینات ڈی ایس پی وریندر سنگھ کو گزشتہ ہفتے انسداد رشوت خوری (اے سی بی) نے دو لاکھ کی رشوت لیتے ہوئے رنگے ہاتھوں گرفتار کیا تھا۔ حکومت کے ایک حکمنامہ کے مطابق مذکورہ افسر کو سیول سروس رولز کے تحت معطل کیا گیا ہے۔ Police Officer Arrested in Bribe case Suspended
واضح رہے کہ گرفتار شدہ افسر کو 11 نومبر جموں میں اے سی بی کی ایک ٹیم نے پچاس ہزار روپے رشوت لیتے ہوئے رنگے ہاتھوں پکڑا تھا۔ مذکورہ افسر، جو جموں میں کرائم پرانچ میں تعینات تھے، نے ایک درخواست کنندہ کو اسکے ایک معاملے کو حل کرنے کے لئے دو لاکھ روپے رشوت کا مطالبہ کیا تھا۔
اے سی بی نے افسر پر انسداد رشوت خوری کے قوانین کے تحت مقدمہ درج کرکے اسکو گرفتار کیا تھا۔
مزید پڑھیں: ACB Traps, Arrests SIDCO Manager: سڈکو منیجر رشوت لیتے ہوئے رنگے ہاتھوں گرفتار
