وحید الرحمٰن پرا 15 دن کی ریمانڈ میں

پی ڈی پی یوتھ ونگ کے صدر وحید الرحمان کو گزشتہ روز گرفتار کر لیا تھا اور آج انہیں این آئی اے عدالت میں پیش کیا گیا۔

جموں کشمیر کی سرمائی دارالحکومت جموں میں آج پی ڈی پی لیڈر وحید الرحمٰن پرا کو نیشنل انویسٹیگیشن ایجنسی کی طرف سے جموں کے قومی تحقیقاتی ایجنسی کے کورٹ میں پیش کیا گیا جہاں انہیں این ای اے جج سندیپ گھپتا نے 15 دنوں کے لئے ریمانڈ میں رکھنے کا حکم دیا۔


بتادیں کہ وحید الرحمٰن پرا کو دہلی کی ایک عدالت میں کل پیش کیا گیا جس نے اسے جموں میں پیش کرنے کے لیے ٹرانزٹ ریمانڈ دیا ہے۔ جس کے بعد آج انہیں جموں کی این آئی اے عدالت میں پیش کیا گیا ۔



واضح رہے کہ قومی تحقیقاتی ایجنسی (این آئی اے )نے 25 نومبر کو پی ڈی پی رہنما اور یوتھ ونگ کے صدر وحید الرحمن پرا کو گرفتار کر لیا تھا۔ اس سے قبل این آئی اے نے دو روز تک معطل ڈی ایس پی دیویندر سنگھ معاملے میں وحید پرا سے پوچھ گچھ کی تھی۔