رات کے دس بجے سرفراؤ گنڈ میں محمد امین کا رہائشی مکان آتشزدگی میں خا کستر ہوگیا۔ اطلاعات کے مطابق یہ واردات کل رات دیر گئے ہوئی، تاہم مقامی لوگوں نے الزام لگایا کہ وقت پر فائر سروس کے نہ پہنچنے کی وجہ سے پورا مکان دیکھتے ہی دیکھتے خاک ہوگیا اور مکان میں رکھا سارا سامان راکھ جل گیا۔
مقامی لوگوں نے بتایا کہ یہ ایک غریب مزدور آدمی کا مکان تھا جو آگ کی نظر ہوگیا۔ اس کے پاس اب کوئی سہارا نہیں ہے۔
لوگوں نے بتایا مکان میں جو کچھ تھا سب راکھ کے ڈھیر میں تبدیل ہوگیا۔ لاکھوں کا سامان خاک ہوگیا۔ محمد امین اور ان کے کنبے کے پاس اب ان سرد ایام میں رہنے کے لیے کچھ نہیں ہے۔ یہ علاقہ پہاڑی پر ہے جس کی وجہ سے فائر سروس کو بھی وہاں پہنچنے میں کافی مشکلات کا سامنا کرنا پڑا۔
یہ بھی پڑھیں: ایڈوکیٹ ہلال اکبر گرفتار، اہل خانہ کا دعویٰ
محمد امین خان نے حکومت سے اپیل کی ہے کہ ان کی مالی امداد کی جائے تاکہ وہ پھر سے اپنی زندگی پٹری پر لاسکیں۔
