بڈگام: محکمہ جنگلی حیات کے تحفظ جموں و کشمیر حکومت، ویٹ لینڈ ڈویژن کشمیر نے اسٹیک ہولڈنگ محکموں، سول سوسائٹی گروپس، این جی اوز، تعلیمی اداروں کے مشترکہ تعاون سے ہوکرسر کی صفائی مہم چلائی گئی۔ یہ مہم "توازون" کے بینر کے تحت "ہوکرسر کو بچائیں-سرینگر کو بچائیں" مہم کا حصہ تھی جو 7 مئی کو شروع ہوئی اور 21 مئی تک جاری رہے گی۔ Department of Wildlife Protection J&K Government
اس مہم کا مقصد ہوکرسر ویٹ لینڈ کنزرویشن ریزرو میں اور اس کے آس پاس صفائی کی ایک جامع مہم شروع کرنا اور اس دنیا کے مشہور ویٹ لینڈ کی ماحولیاتی خصوصیات کو برقرار رکھنا ہے۔ امر سنگھ کالج، گرینڈ دبئی اسکول، بوائز ہائر سیکنڈری اسکول گنڈ-ہسی بھٹ کے طلباء، مختلف این جی اوز، رضاکاروں، پنچایت اراکین نے بھی شرکت کی۔ Cleanliness drive at Hokersar Wetland
ہوکرسر کو گندگی سے پاک کرنے کے لیے متعلقہ محکمے نے ایک پہل شروع کی ہے ۔ اس پہل میں محکمہ نے سرینگر شہر کے بہت سے کالجوں کے ساتھ مقامی 14 اسکولوں کو بھی شامل کیا ہے۔ طلباء نے ای ٹی وی بھارت سے بات کرتے ہوئے کہا کہ ویٹ لینڈ سے پلاسٹک کے ساتھ ساتھ سگریٹ اور بہت سے فضلہ کو بھی ہٹایا گیا۔ ان کا کہنا تھا کہ جب ہم نے اس زمین میں گندگی دیکھی تو وہ حیران رہ گئے کہ انسان کیسے ماحول کو تباہ کر رہے ہیں۔ انہوں نے لوگوں سے اپیل کی کہ وہ اسے روکیں اور اچھی سوچ کے ساتھ آئیں اور ہوکرسر کو بچائیں۔
مقامی لوگوں اور دیگر متعلقہ لوگوں نے اس اقدام کو سراہا اور کہا کہ اگر اس طرح کی مہم جاری رہے تو ہوکرسر کی شکل وہی ہو جائے گی جو پہلے تھی۔
طلباء اور محکمہ تحفظ تعلیم نے لوگوں سے گیلی زمینوں میں گندگی پھینکنے سے روکنے کی اپیل کی۔
یہ بھی پڑھیں : Dal Lake Cleanliness Drive Athwas: ڈل جھیل میں ’اتھواس‘ صفائی مہم ساتویں روز بھی جاری
