بڈگام: ضلع بڈگام میں "رن فار یونیٹی" دوڑ کا بڈگام پولیس نے انعقاد کیا۔ اس تقریب کا انعقاد شرکاء اور دیگر کے درمیان قوم کے اتحاد اور سالمیت کے جذبے کو پروان چڑھانے کے لیے کیا گیا تھا۔ یہ تقریب 0900 بجے ریلوے اسٹیشن بڈگام سے شروع ہوئی اور تقریباً 2 کلومیٹر کا فاصلہ طے کرتے ہوئے ضلع پولیس ہیڈ کوارٹر بڈگام پر اختتام پذیر ہوئی۔ اس تقریب میں 200 سے زائد افراد جن میں مختلف عمر کے لڑکے اور لڑکیاں شامل تھیں، نے بھرپور جوش و خروش کے ساتھ شرکت کی۔ ریلوے اسٹیشن بڈگام میں منعقدہ "پری فلیگ آف تقریب" (رن فار یونیٹی) سے قبل، ایڈیشنل ایس پی بڈگام نے شرکاء سے بات چیت کی اور ان کے سامنے اس بات کا اظہار کیا کہ اس "رن فار یونٹی" کا انعقاد قوم کی یکجہتی اور سالمیت کے لیے کیا گیا ہے اور اس کے ساتھ ساتھ کھیلوں کے جذبے کو پروان چڑھانا کو بھی منظور نظر رکھا گیا تھا۔ Budgam police organised Run For Unity Here in central Kashmirs budgam district
یہ بھی پڑھیں:
جیتنے والوں اور اس تقریب کے شرکاء میں نقد انعامات اور اسناد تقسیم کیں جن میں لڑکے اور لڑکیاں شامل تھے۔ شرکاء کو "راشٹریہ ایکتا عہد" کا ہلف دلایا گیا۔ لڑکوں کے زمرے میں فیضان رفیق میر نے پہلی، شمیم احمد ڈوم نے دوسری، آصف احمد تیلی نے تیسری، شجاعت علی نے چوتھی اور شاکر احمد ملک نے پانچویں پوزیشن حاصل کی۔ وہی لڑکیوں کے زمرے میں روح الفضاء نے پہلی، بسمہ بلال نے دوسری، شگفتہ علی نے تیسری، عمرہ ایوب نے چوتھی اور بازلہ الطاف نے پانچویں پوزیشن حاصل کی۔ پہلی تین پوزیشن ہولڈرز کو بالترتیب 1500، 1000 اور 500 روپے کے نقد انعام کے ساتھ اعزازی سرٹیفکیٹ بھی دیے گئے۔ دونوں کیٹیگریز میں چوتھی سے پانچویں پوزیشن حاصل کرنے والوں کو میمنٹوز اور سرٹیفکیٹ دیے گئے۔
