شمالی یونان کے شہر کاوالا کے قریب ایک کارگو طیارہ گر کر تباہ ہو گیا ہے، یوکرین کی ایک کمپنی کا طیارہ انٹونوف-12 سربیا سے سنیچر کے روز اردن کے لیے پرواز کر رہا تھا اور تبھی وہ گر کر تباہ ہو گیا۔ فوری طور پر یہ واضح نہیں ہے کہ طیارے میں کتنے افراد سوار تھے اور ان میں سے کوئی زندہ بچ گیا یا نہیں۔ بعض اطلاعات میں کہا گیا ہے کہ طیارے میں آٹھ افراد سوار تھے۔
یونان کے قومی نشریاتی ادارے ای آر ٹی نے اپنی رپورٹ میں کہا ہے کہ طیارے میں 12 ٹن کارگو تھا، جسے ممکنہ طور پر خطرناک قرار دیا گیا ہے۔ انجن کی خرابی دیکھ کر پائلٹ نے کاوالا ایئرپورٹ پر ہنگامی لینڈنگ کی اپیل کی تاہم طیارہ رن وے تک پہنچنے میں ناکام رہا۔
مزید پڑھیں:امریکی طیارہ حادثہ کا شکار
حکام کے مطابق حادثے کی صورتحال کے پیش نظر سات فائر بریگیڈ کی گاڑیاں موقع پر روانہ کی گئیں تاہم مسلسل دھماکوں کے باعث وہ جائے حادثہ تک نہ پہنچ سکیں۔
یواین آئی
